Ivangeli ka‐Maraki 1

₁UKUQALA kwevangeli ka‐Yesu Kristu, unyana katixo; ₂njengokuba kuba̔liwe ebaprofiteni ngokuti: Bona ke, ndiyatuma isitunywa sam pambi kwobuso bako, esiya kulungisa indlela yako pambi kwako: ₃nangokuti: Ilizwi lodandulukayo entlango: Lungisani indlela kayehova; yenzani imendo yake ilungelelane. ₄Weza u‐Johane ebapitizesha entlango, eshumayela ubapitizesho lwoguquko kube kukuxolelwa kwezono. ₅Laza lapumela kuye lonke ilizwe le‐Judeya, nabase‐Yerusaleme; bati bonke babapitizeshwa nguye emlanjeni we‐Yoredane, bevuma izono zabo.

₆Waye kekaloku u‐Johane wambete uboya benkamela, nombinqo wolusu esinqeni sake; watya inkumbi nobusi basendle. ₇Washumayela ke, esiti: Uyeza onamandla amakulu kwawam emva kwam, endingafanelekile ukuba nditobe pantsi ndiwutukulule umtya wezihlangu zake. ₈Mna okunene ndinibapitizeshile ngamanzi; kodwa yena wonibapitizesha ngomoya oyingcwele.

₉Kwaye kute kuleyomihla, wavela u‐Yesu e‐Nazarete yase‐Galili, wabapitizeshwa ngu‐Johane e‐Yoredane apo. ₁₀Waza wati esel’ enyuka emanzini, wabona izulu licandekile, nomoya njengehobe esihla pezu kwake. ₁₁Kanjalo leza ilizwi livela ezulwini, lisiti: Wena ungunyana wam otandiweyo, endikolisiweyo kakuhle nguye.

₁₂Waselesiti umoya wamqu̔bela entlango. ₁₃Waza wakona entlango apo intsuku zamashumi mane, elingwa ngu‐Satane; wayendawonye namaṙamncwa ke; zaza ingelosi zamkonza.

₁₄KEKALOKU emveni kwokunikelwa kuka‐Johane entolongweni, weza u‐Yesu e‐Galili, eshumayela ivangeli yobukumkani bukatixo, ₁₅esiti nokuti: Ixesha lizalisekile; buse bukufupi ubukumkani bukatixo: guqukani, nikolwe evangelini.

₁₆Wati kekaloku ehamba ngaselwandle lwase‐Galili, wabona u‐Simone, no‐Andreya umninawe wake, beposa utambo elwandle: ngokuba bebengabalobi bentlanzi. ₁₇Waza wati kubo u‐Yesu: Yizani emva kwam, ndandiya kunenza nibe ngabalobi babantu. ₁₈Basebesuka bazishiya intambo zabo, bamlandela. ₁₉Kanjalo egqitile apo umganyana, wabona u‐Yakobi unyana ka‐Zebedi, no‐Johane umninawe wake, besenqanaweni bona nabo belungisa intambo. ₂₀Wasuka wababiza ke: baza bashiya uyise wabo u‐Zebedi enqanaweni enabaqashwa, bemka baya emva kwake.

₂₁Baya bangena e‐Kapenayume: waza wati ngemini yesabata waselengena endlwini yentlanganiso wafundisa. ₂₂Baye bemangaliswa ke pezu kwesifundiso sake; ngokuba ebebafundisa njengonegunya, bekungenjengababa̔li. ₂₃Kwaye kuko endlwini yentlanganiso yabo umntu enomoya onco̔lileyo; waza wadanduluka, ₂₄esiti: Yeka! siyinto nina kuwe, Yesu wase‐Nazarete? uze kusitshabalalisa na? ndiyakwazi wena ungubanina, ungoyingcwele katixo. ₂₅Waza u‐Yesu wamtetisa, esiti: Yiti cwaka, upume kuye. ₂₆Waza umoya onco̔lileyo wamṙuzula, wadanduluka ngelizwi elikulu, wapuma kuye. ₂₇Bati nqa ke bonke, bada babuzisana omnye nomnye, besiti: Yinto nina le? lolwanina ufundiso olutsha olu, ukuba nomoya abanco̔lileyo ebayalela ngegunya, bamve ke? ₂₈Lwaselusuka lwapuma udumo lwake lwaya kulo lonke ilizwe langase‐Galili.

₂₉Baza bati kwa oko, bakuba bepumile endlwini yentlanganiso, bangena endlwini ka‐Simone no‐Andreya, kunye no‐Yakobi no‐Johane. ₃₀Kekaloku umkwekazi ka‐Simone ebelele, esifa licesine; baza basebemxelela ngaye. ₃₁Wayesiza wabamba isandla sake, wamsukisa; lamyeka icesine kwa oko, wabakonza ke.

₃₂Kwati kwakuhlwa, lakutshona ilanga, bazisa kuye bonke abafayo nabangenelwa zidemoni. ₃₃Saye isixeko sonke sibe sibutelene ngasemnyango. ₃₄Waza wabapilisa abaninzi ababesifa zizifo ngezifo; nedemoni ezininzi waziku̔pa, engazivumeli ke ukuba zitete idemoni, ngokuba zibe zimazi yena.

₃₅Waza wati kwakuza kusa, wavuka kusesebusuku kanye, wapuma, wemka waya endaweni elubala, watandaza kona apo. ₃₆Baza bamputuma u‐Simone nabo babenaye. ₃₇Bemfumene ke, bati kuye: Bonke bayakufuna. ₃₈Wayesiti kubo: Masihambe siye ezinqilini ezikufupi, ndize ndishumayele nakona; ngokuba ndivelele oku. ₃₉Waza washumayela ezindlwini zentlanganiso zabo kuyo yonke i‐Galili, waku̔pa nedemoni.

₄₀Kwati kekaloku kweza kuye ileperi, limbongoza liguqa pantsi kuye, lisiti nokuti kuye: Ukuba uyatanda, ungandihlambulula. ₄₁Waza u‐Yesu wabetwa lusizi, wasolula isandla, walicu̔kumisa, wati kulo: Ndiyatanda; hlambuluka. ₄₂Sati nxa abesitsho semka kulo kwa oko isilepero salo, lahlambuluka ke. ₄₃Waza eliyalile kakulu nje waselelindulula, ₄₄wati kulo: Lumka ungaxeleli mntu into; kodwa hamba, zibonakalise kumperisite, unikele ngenxa yokuhlanjululwa kwako izinto wabeyalela zona u‐Mosesi, zibe sisinqi̔no kubo. ₄₅Lati kodwa lakupuma, laqala ukushumayela kakulu, nokuvakalisa londawo, wada u‐Yesu wayengasenako ukuba angangena esixekweni ekuhleni; koko wayengasendle ezindaweni ezilubala, bati abantu beza kuye bevela emacaleni onke.