U‐Nahume 1

₁UMGWEBO ngayo i‐Nineve. Incwadi yesibonakalo sika‐Nahume um‐Elekoshe.

₂Uyehova u ngutixo onekwele, opindezelayo: uyehova ungumpindezeli, ungonomsindo: uyehova ungumpindezeli kubo abayimpi kuye; uyabambela intshaba zake ingqumbo. ₃Uyehova uqumba kade, kodwa umkulu ngamandla, akakuka agwebele abanetyala: uyehova indlela yake isesaqwitini naseluqwiteleni, namafu alutuli lwenyawo zake. ₄Uyakalimela ulwandle, uyalwomisa, uyatshisa yonke imilambo: i‐Bashane iyabuna, ne‐Karamele; siyabuna nesihlumo se‐Lebanone. ₅Intaba ziyangcangcazela pambi kwake, nenduli ziyanyibilika; umhlaba uyazipakamisa ebusweni bake, nelizwe, nabo bonke abemiyo kulo. ₆Ngubanina ongemayo pambi kwobuṙala bake? ngubanina nongahlalayo ebushushwini bengqumbo yake? umsindo wake uyatululwa njengomlilo, namawa ayawiswa pantsi nguye. ₇Uyehova ulungile, uyinqaba emhleni wobunzima; uyabazi abo batembela kuye. ₈Kodwa ngomsinga okukulayo uya kukwenza ukugqitywa kwendawo yayo, nentshaba zake ubumnyama boziputuma.

₉Niyaqinga nto nina ngakuye uyehova? uya kukwenza ukugqitywa yena: ubunzima abuyi kuvuka kabini. ₁₀Nakuba bepingelelene njengemitolo, benxilile nokunxila ngeveyine yabo, baya kudliwa njengendiza ezigqibele ukwoma. ₁₁Wapuma kwa kuwe, umqingi wobubi ngakuye uyehova, umcebisi ongendawo. ₁₂Utsho uyehova ukuti: Nakuba bonwabileyo, bebaninzi kangaka, baya kusikwa benjalo noko, waeya kudlula: nangona ndikubandezeleyo, andisayi kubuya ndikubandezele. ₁₃Ngokuba kaloku ndiya kuyapula iyokwe yake kuwe, ndiziqaule izinxibo zako.

₁₄Kodwa uyehova uyalele ngawe, ukuti: Akuyi kubuya kuhlwayelwe abegama lako; ndiya kunqamla endlwini yotixo bako umfanekiso oqingqiweyo nalowo utyityishiweyo; ndiya kulenza incw̔aba lako, ngokuba udelekile.

₁₅NANZIYA ezintabeni inyawo zalowo ushumayelayo indaba ezilungileyo, ovakalisayo uxolo! yenza imitendeleko yako, Juda! feza izibambiso zako, ngokuba ongendawo engasayi kubuya acande kuwe; unqanyulwe kanye.