Imibalo 1

₁WAYE uyehova wateta ku‐Mosesi, entlango ye‐Sinai, ententeni yentlangano, ngowokuqala umhla wenyanga yesibini, ngomnyaka wesibini emva kwokupuma kwabo elizweni le‐Jipete, esiti: ₂Tabatani inani layo yonke intlanganiso yosapo luka‐Sirayeli, ngezizalwane zalo, ngendlu zoyise zalo, ngombalo wamagama, onke amadoda ngamanye ngamanye; ₃engaminyaka imashumi mabini napezulu ubudala bawo, onke apumayo nomkosi kwa‐Sirayeli: lawo niya kuwabala ngemikosi yawo, wena no‐Arone. ₄Nakunye nani kwobako indoda ibe nye kwisizwe ngesizwe, indoda eyintloko pezu kwendlu yoyise yayo.

₅Ngawo la amagama awo amadoda aya kuma nani; eyesika‐Rubene, ngu‐Elitsure unyana ka‐Shedeyure; ₆eyesika‐Simone, ngu‐Shelumiyele unyana ka‐Tsurishadai; ₇eyesika‐Juda, ngu‐Nahashone unyana ka‐Haminadabi; ₈eyesika‐Yisakare, ngu‐Netaneli unyana ka‐Tsuhare; ₉eyesika‐Zebulone, ngu‐Eliyabe unyana ka‐Heloni; ₁₀eyosapo luka‐Josefe, — eyesika‐Frayime, ngu‐Elishama unyana ka‐Hamihude; eyesika‐Manase, ngu‐Gamaliyeli unyana ka‐Pedatsure; ₁₁eyesika‐Benjamine, ngu‐Abidane unyana ka‐Gideyoni; ₁₂eyesika‐Dane, ngu‐Ahihezere unyana ka‐Hamishadai; ₁₃eyesika‐Ashere, ngu‐Pagiyeli unyana ka‐Okerane; ₁₄eyesika‐Gadi, ngu‐Eliyasafa unyana ka‐Dehule; ₁₅eyesika‐Nefatali, ngu‐Ahira unyana ka‐Henani. ₁₆Aba bebengabadumileyo bentlanganiso, inkosi zezizwe zoyise babo; bebezintloko zamawaka akwa‐Sirayeli.

₁₇Baza u‐Mosesi no‐Arone batabata lamadoda abalulwayo ngamagama; ₁₈bahlanganisela ndawonye yonke intlanganiso, ngowokuqala umhla wenyanga yesibini, abati bona bashumayela ukuzalwa kwabo, ngezizalwane zabo, ngendlu zoyise zabo, ngombalo wamagama, bengabaminyaka imashumi mabini nabapezulu ubudala babo, ngabanye ngabanye. ₁₉Njengokuba uyehova ebemyalele u‐Mosesi, kwa njalo wababala entlango ye‐Sinai.

₂₀Kekaloku onyana baka‐Rubene, owamazibulo ka‐Sirayeli, izizukulwana zabo, ngezizalwane zabo, ngendlu zoyise zabo, ngombalo wamagama, ngabanye ngabanye, bonke abangamadoda aminyaka imashumi mabini napezulu ubudala bawo, bonke abapumayo nomkosi; ₂₁ababalweyo babo, abesizwe sika‐Rubene, bebengamawaka angamashumi mane enesitandatu, anamakulu mahlanu.

₂₂Abonyana baka‐Simone, izizukulwana zabo, ngezizalwane zabo, ngendlu zoyise zabo, ababalweyo babo, ngombalo wamagama, ngabanye ngabanye, bonke abangamadoda aminyaka imashumi mabini napezulu ubudala bawo, bonke abapumayo nomkosi; ₂₃ababalweyo babo, abesizwe sika‐Simone, bebengamawaka angamashumi mahlanu enesitoba, anamakulu matatu.

₂₄Abonyana baka‐Gadi, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₂₅ababalweyo babo, abesizwe sika‐Gadi, bebengamawaka angamashumi mahlanu enesihlanu, anamakulu matandatu enamashumi mahlanu.

₂₆Abonyana baka‐Juda, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₂₇ababalweyo babo, abesizwe sika‐Juda, bebengamawaka angamashumi asixe̔nxe enesine, anamakulu matandatu.

₂₈Abonyana baka‐Yisakare, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi: ₂₉ababalweyo babo, abesizwe sika‐Yisakare, bebengamawaka angamashumi mahlanu enesine, anamakulu mane.

₃₀Abonyana baka‐Zebulone, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₃₁ababalweyo babo, abesizwe sika‐Zebulone, bebengamawaka angamashumi mahlanu enesixe̔nxe, anamakulu mane.

₃₂Abonyana baka‐Josefe:— Abonyana baka‐Frayime, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi: ₃₃ababalweyo babo, abesizwe sika‐Frayime, bebengamawaka angamashumi mane, anamakulu mahlanu:

₃₄Abonyana baka‐Manase, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₃₅ababalweyo babo, abesizwe sika‐Manase, bebengamawaka angamashumi matatu enesibini, anamakulu mabini.

₃₆Abonyana baka‐Benjamine, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₃₇ababalweyo babo, abesizwe sika‐Benjamine, bebengamawaka angamashumi matatu enesihlanu, anamakulu mane.

₃₈Abonyana baka‐Dane, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₃₉ababalweyo babo, abesizwe sika‐Dane, bebengamawaka angamashumi matandatu enesibini, anamakulu asixe̔nxe.

₄₀Abonyana baka‐Ashere, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₄₁ababalweyo babo, abesizwe sika‐Ashere, bebengamawaka angamashumi mane enalinye, anamakulu mahlanu.

₄₂Onyana baka‐Nefatali, izizukulwana zabo, ngezizalwane zabo, ngendlu zoyise zabo, ngombalo wamagama, abaminyaka imashumi mabini nabapezulu ubudala babo, bonke abapumayo nomkosi; ₄₃ababalweyo babo, abesizwe sika‐Nefatali, bebengamawaka angamashumi mahlanu enesitatu, anamakulu mane.

₄₄Aba bangabo babalwayo, abo u‐Mosesi wababalayo, kwa no‐Arone, nenkosi zakwa‐Sirayeli, zingamadoda alishumi linamabini: ezinye ngezinye zazipezu kwendlu zoyise zazo. ₄₅Baye bonke ababalweyo bonyana baka‐Sirayeli, ngendlu zoyise zabo, abaminyaka imashumi mabini nabapezulu ubudala babo, bonke abapumayo nomkosi kwa‐Sirayeli, ₄₆kwa bonke ababalweyo, bebengamawaka angamakulu matandatu enamawaka matatu, anamakulu mahlanu enamashumi akwa mahlanu.

₄₇Kodwa aba‐Levi, ngesizwe soyise babo, bebengabalwa pakati kwabo. ₄₈Ngokuba ebetetile uyehova ku‐Mosesi, esiti: ₄₉Kupela isizwe sika‐Levi akuyi kubala sona, nenani labo akuyi kulitabata pakati kwonyana baka‐Sirayeli. ₅₀Kodwa wena, bamise aba‐Levi pezu kwayo itabanakele yesinqi̔no, napezu kwazo zonke impahla zayo, napezu kwako konke okukokwayo: bona baya kutwala itabanakele, kwa nazo zonke impahla zayo; babeya kukonza kuyo, bati waca ngokungqonga itabanakele. ₅₁Nasekundulukeni kwetabanakele, aba‐Levi boyihlisa; nasekumisweni kwetabanakele, aba‐Levi boyipakamisa; koko owasemzini osondelayo eya kufiswa. ₅₂Lwaye usapo luka‐Sirayeli luya kuti waca, olunye ngolunye ngakulo ibandla lalo, nolunye ngolunye ngakuyo ibanile yalo, ngemikosi yalo. ₅₃Kodwa aba‐Levi baya kuti waca ngokungqonga itabanakele yesinqi̔no, ukuze kungabiko msindo pezu kwentlanganiso yosapo luka‐Sirayeli: boti aba‐Levi kanjalo bagcine isigcinelo setabanakele yesinqi̔no.

₅₄Lwenje njalo usapo luka‐Sirayeli; njengako konke uyehova ebemyalele u‐Mosesi ngako, lwenje njalo ke.