Imizekeliso 16

₁ZEZOMNTU izilungiselelo zentliziyo; kodwa kuvela kuyehova impendulo yolwimi.

₂Yonke imikwa yomntu imhlope kwawake amehlo; kodwa uyehova uyalinganisa imimoya.

₃Lahlela kuye uyehova imisebenzi yako; oti ke amaqinga ako aqiniswe.

₄Zonke izinto uyehova uzenzele okwake; ewe nokohlakeleyo umenzele imini yobubi.

₅Osukuba enokuqanqalaza ngentliziyo uyintshontsho kuyehova; nangona isandla sibambana nesandla, akayi kuswela ityala.

₆Ngabo ububele nenyaniso isono siyaxoliselwa; nangokwoyika uyehova kumkiwa ekukohlakaleni.

₇Nxa imikwa yomntu imkolisayo uyehova, uyenza ukuba nentshaba zake zixolane naye.

₈Intwana encinane kunye nobulungisa, ilungile pezu kwenzuzo ezininzi ngapandle kwokufaneleyo.

₉Intliziyo yomntu iyaqingela indlela yake; kodwa nguyehova obekisa amanyatela ake.

₁₀Izwi elikulu lipezu kwomlomo wokumkani; ekugwebeni umlomo wake awuyi kwenza ngobumenemene.

₁₁Isilungelelaniselo nesilinganiselo esifaneleyo ze zikayehova; ngumsebenzi wake onke amatye okulinganisa enxowa.

₁₂Kuyintshontsho kubo okumkani ukwenza okukohlakeleyo; ngokuba iterone iqiniswa ngobulungisa.

₁₃Umlomo wobulungisa uyimvuyiso kokumkani; nalowo uteta izinto ezifanelekileyo baya kumtanda.

₁₄Umsindo wokumkani unjengezitunywa zokufa; kodwa umntu olumkileyo wowudambisa.

₁₅Ekukanyeni kwobuso bokumkani kuko ubomi; nembuko yake injengelifu lemvula yasemva.

₁₆Ukuzuza ubulumko, kulungile kangakananina pezu kwegolide? nokuzuza ingqondo, kuqasheka kangakananina pezu kwesilivere?

₁₇Umendo wabalungileyo ngowokupambuka enkohlakalweni; ogcina indlela yake, uyalondoloza umpefumlo wake.

₁₈Ir̔atshi liyandulela imbujiswa; nokuqanqalaza kwomoya kuyandulela ukuwa.

₁₉Kulungile ukuba nomoya otobekileyo kunye nabalulamileyo, ngapezu kwokuba kwahlulelwane amaxoba nabaner̔atshi.

₂₀Opata indawo ngokutelekelela, wofumana inyweba; nalowo utembela kuyehova, hai itamsanqa lake!

₂₁Ontliziyo ilumkile wobizwa ngokuba ngoqondayo; kanjalo ubumnandi benteto buyandisa ufundo.

₂₂Ubutelekelelo bungumtombo wobomi kosukuba enabo; kodwa imfundiso yezidenge ibubudenge.

₂₃Intliziyo yolumkileyo yoqondisa umlomo wake; iya kwongeza ufundo nasekuteteni kwake.

₂₄Amazwi amnandi anjengentlango yobusi, eyolile empefumlweni, eyimpiliso ematanjeni.

₂₅Kuko indlela engati ilungile emntwini, kanti ukupela kwayo kuzindlela zokufa.

₂₆Lowo usebenzayo uyazisebenzela yena; ngokuba umlomo wake umqu̔ba.

₂₇Umntu wobunginingini uyapanda ububi; napezu kwomlomo wake kunjengomlilo ovutayo.

₂₈Umntu wamamenemene uyavusa impikisano; nomncetezi uyahlukanisa izihlobo.

₂₉Umntu wobudlwengu uyamhenda ummelwane wake, aze amkokele endleleni engalungileyo.

₃₀Ocimayo amehlo ake ukuba aqinge amamenemene, oti vingci umlomo wake, ufezile ububi.

₃₁Izimvi ziyikrone yobungcwalisa, ukuba ziya kufunyanwa endleleni yobulungisa.

₃₂Oqumba kade, ugqitisele oligoṙa; nalowo unamandla pezu kwowake umoya, ugqitisele otimba isixeko.

₃₃Iqashiso liposelwa esifubeni; kodwa kuvela kuyehova konke ukwaba kwalo.