Imizekeliso 19

₁IHLWEMPU elihamba ngenene yalo, lilungile pezu kwalowo ugwenxa ngomlomo wake, esisidenge.

₂Kanjalo, ekungazini kwompefumlo, akuko kulungileyo; nonxamayo ngenyawo, uyona.

₃Ubuhilihili bomntu buyenza gwenxa mdlela yake; ize iqumbele uyehova intliziyo yake.

₄Ubutyebi buyazuzisa izihlobo ezininzi; kodwa ihlwempu liyahlulwa kummelwane walo.

₅Inqi̔na lobuxoki aliyi kuswela ityala; nopimisela ilwimi, akayi kusinda.

₆Baninzi ababongoza ubuso benkosi; kanjalo bonke bazizihlobo kumntu obaselayo.

₇Bonke abazalwana behlwempu bayalitiya; kangakananina ngakumbi ke izihlobo zalo nkukwelela kude kulo! liputuma amazwi, akako wona.

₈Ozuzayo ingqiqo, uyatanda owake umpefumlo; ogcinayo ingqondo, wofumana okulungileyo.

₉Inqi̔na lobuxoki aliyi kuswela ityala; nopimisela ilwimi wotshabalala.

₁₀Ubuyolo abufanelekile kwisidenge; kukancinane kangakananina ngakumbi kungafanelekile kwisicaka ukupata abazinkosi!

₁₁Ubutelekelelo bomntu buyalibazisa ingqumbo yake; bubungcwalisa bake ukuxolela isiposo.

₁₂Umsindo wokumkani unjengokuvungama kwengonyama entsha; kodwa imbuko yake injengombete pezu kwenca.

₁₃Unyana osidenge ulilishwa loyise; namapike omfazi anjengokucapaza okufuti.

₁₄Indlu nemfuyo zililifa livela koyise; kodwa umfazi otelekelelayo uvela kuyehova.

₁₅Ubuvila buyawisela ebutongweni obukulu; nomntu onqenayo, uya kulamba.

₁₆Ogcinayo umyalelo, uyagcina owake umpefumlo; odelayo indlela zake, uya kufa.

₁₇Owenza ngofefe kolihlwempu, uyaboleka uyehova; nokwenza kwake wokubuyekezela kuye.

₁₈Yohlwaya unyana wako, nxa kuseko itemba; kodwa ungapakamiseli umpefumlo wako ukumbulala.

₁₉Onomsindo omkulu wotwala ukwohlwayiwa; ngokuba nangona umhlangulayo, uya kubuya upinde noko.

₂₀Yiva icebo, wamkele imfundiso, ukuze ulumke ekupeleni kwako.

₂₁Kuko amaqinga amaninzi entliziyweni yomntu; kodwa icebo likayehova, lilo eliya kuma.

₂₂Inkanuko yomntu ibububele bake; kanjalo olihlwempu ulungile kolixoki.

₂₃Ukwoyika uyehova kubang’ ubomi; onako wohlala ekoliwe; akayi kuhlelwa bububi.

₂₄Ivila liyafihla isandla salo esityeni; aliyi kusibuyisela kwa semlonyeni walo.

₂₅Beta umgxeki, soza silumke isidenge; yohlwaya onokuqonda, woqiqa ukwazi ke.

₂₆Ocita uyise, umhlaumbi osabisa unina, ungunyana owenza idano nehlazo.

₂₇Peza, nyana wam! ukupulapula imfundiso elahlekisayo kuzo iziteto zokwazi.

₂₈Inqi̔na lobunginingini liyagxeka ubugwebo; nomlomo wabakohlakeleyo uyaginya ububi.

₂₉Imigwebo ilungiselwe abagxeki, nezibeto zilungiselwe umhlana wezidenge.