Imizekeliso 2

₁NYANA wam! ukuba uya kwamkela iziteto zam, uyibekele kuwe nemiyalelo yam; ₂ukuze unikele indlebe yako ebulumkweni, utobele intliziyo yako ekuqondeni; ₃ewe, ukuba uya kubiza ingqondo, upakamisele ilizwi lako ingqiqo; ₄ukuba uya kubufuna njengesilivere, ubupengulule njengendyebo eziselelweyo; ₅uya kwandul’ ukuqonda ukwoyikwa kukayehova, ufumane ukwaziwa kukatixo. ₆Ngokuba uyehova esipa ubulumko; ukwazi nokuqonda kuvela emlonyeni wake. ₇Uyabekelela abalungileyo usizo; ulikaka kwabalungisa ukuhamba kwabo: ₈aze alinde indlela zobugwebo, agcine umendo wabangcwele bake. ₉Uya kwandul’ ukuqonda ubulungisa, nobugwebo, nolungelelwano, — yonke imikwa elungileyo.

₁₀Okuya ubulumko buya kungena entliziyweni yako, nokwazi kuya kuba mnandi empefumlweni wako; ₁₁intelekeleliso yokugcina, ingqiqo yokulinda: ₁₂ukuba usindiswe endleleni yokohlakeleyo, nasemntwini oteta izinto zobumenemene; ₁₃abashiya indlela zokulunga, ukuze bahambe ezindleleni zobumnyama; ₁₄abavuyela ukwenza inkohlakalo; abagcoba ngobumenemene bokohlakeleyo; ₁₅abandlela zigwenxa, benokanda emikweni yabo: ₁₆ukuba usindiswe kuye umfazi wasemzini, kulowo ungaziwayo, ozenza butelezi iziteto zake; ₁₇oshiyayo umhlobo wobutsha bake, alibale ucebano lwotixo wake. ₁₈Ngokuba indlu yake itshonela ekufeni, nendlela zake kubafileyo. ₁₉Bonke abangenayo kuye abayi kubuya; abayi kufumana indlela zobomi kanjako. ₂₀Ukuze uhambe endleleni yabalungileyo, nendlela zabalungisayo uzigcine. ₂₁Ngokuba abayinene beya kuma umhlaba, nabafezekileyo beya kusala kuwo. ₂₂Kodwa abakohlakeleyo baya kunqanyulwa emhlabeni, nabenzayo ngobuxoki baya kudonyulwa kuwo.