Amaculo 105

₁BULELANI kuyehova, shumayelani igama lake, yazisani izenzo zake pakati kwezizwe. ₂Vumani kuye, culani amaculo kuye, tetani ngayo yonke imimangaliso yake. ₃Qa̔yisani ngegama lake eliyingcwele; maivuye intliziyo yabamfunayo uyehova. ₄Buzelani uyehova, namandla ake; funani ubuso bake futi. ₅Kumbulani imimangaliso yake ayenzileyo; imiqondiso yake, nezigwebo zomlomo wake; ₆nina nzalo ka‐Abrahame isicaka sake, bonyana baka‐Yakobi, abaqashwa bake! ₇Nguyehova, utixo wetu, yena: imigwebo yake ikuwo wonke umhlaba.

₈Uyakumbula ucebano lwake kude kube ngunapakade; ilizwi wabelixela, kude kube liwaka lezizukulwana; ₉ucebano owalwenzayo no‐Abrahame, nesifungo sake ku‐Yisake; ₁₀walumisela ku‐Yakobi lube ngumteto, ku‐Sirayeli lube lucebano olungunapakade; ₁₁esiti: Ndokunika ilizwe le‐Kanane, isabiwo selifa lenu; ₁₂okuya bebengabantu abalula, kwa into encinanana nabasemzini kulo. ₁₃Bati bakuhamba kwisizwe ngesizwe, bevela kwobunye ubukumkani besiya ebantwini bambi; ₁₄akavumelanga mntu ukuba ababandezele: wohlwaya nokumkani ngenxa yabo; ₁₅esiti: Ningacukumisi abatanjiswa bam, nabaprofite bam ningabapati kakubi.

₁₆Kanjalo wabiza indlala ize pezu kwelizwe; wonke umsimelelo wesonka wawapula. ₁₇Watuma indoda pambi kwabo; u‐Josefe watengiswa abe likonza: ₁₈babulala inyawo zake ngamakamandela; umpefumlo wake wangena esinceteni; ₁₉kwada kwalixesha lokufika kwelizwi lake: ilizwi likayehova lamcokisa. ₂₀Watuma ukumkani, wamkulula; watuma umpati wesizwe, wamvulela. ₂₁Wamenza inkosi yendlu yake, nompati pezu kwayo yonke impahla yake; ₂₂aze anxibe inkosana zake ngentando yake, alumkise amapakati ake. ₂₃U‐Sirayeli naye weza e‐Jipete; wati u‐Yakobi wahlala ezweni lakwa‐Hame. ₂₄Waza wandisa abantu bake kakulu; wabenza abanamandla pezu kwababandezeli babo.

₂₅Wajika intliziyo yabo ize bazonde abantu bake, benze ngenkohliso ezicakeni zake. ₂₆Watuma u‐Mosesi isicaka sake, no‐Arone owabemqashile. ₂₇Babonakalisa imiqondiso yake pakati kwabo, nemimangaliso ezweni lakwa‐Hame. ₂₈Watuma ubumnyama, kwaba mnyama ke: abavukelanga ilizwi lake. ₂₉Waguqula amanzi abo abe ligazi, wabubisa intlanzi zabo. ₃₀Umhlaba wabo wavelisa kakulu amasele, ezinkambilini zokumkani babo. ₃₁Wateta, kwaza kwafika izibau, nentwala kuyo yonke imida yabo. ₃₂Wabanika isico̔to endaweni yemvula, namalangatye omlilo ezweni labo. ₃₃Wabeta imiti yeveyine yabo, nemikiwane yabo; wapula nemiti yemida yabo. ₃₄Wateta, kwaza kwafika inkumbi, noṙuxeshe, kwa ngento engenakubalwa; ₃₅zaza zadla yonke inca yelizwe labo; zadla nesiqa̔mo somhlaba wabo. ₃₆Wati kanjalo wabeta onke amazibulo elizweni labo, isiqalo sawo onke amandla abo. ₃₇Waza wabapumisa benesilivere negolide; kungabangako pakati kwezizwe zabo ohexayo. ₃₈Ama‐Jipete avuya bakupuma; ngokuba isoyikiso sabo sawa pezu kwawo. ₃₉Wandlala ilifu libe sisigubungelo; nomlilo wokukanyisa ebusuku. ₄₀Kwacelwa, waza wazisa izagwityi, wabahlutisa ngesonka sezulu. ₄₁Wavula ilityekazi, kwampompoza amanzi ke; abaleka ezindaweni ezomileyo njengomlambo. ₄₂Ngokuba ebekumbula ilizwi lake eliyingcwele, no‐Abrahame isicaka sake. ₄₃Waza wapumisa abantu bake ngovuyo, nabaqashwa bake ngomgcobo; ₄₄wabapa amazwe abaheyideni, baza badla ilifa lomsebenzi wentlanga: ₄₅ukuze bagcine imimiso yake, babambe nemiteto yake. — Dumisani uyehova!