Amaculo 12

₁SIZA, Yehova! ngokuba ababedeshayo bepela: ngokuba abenyaniso bencipeka pakati kwonyana babantu. ₂Bayateta ubuxoki umntu kummelwane wake; bayateta ngomlomo obutelezi, nangentliziyo mbini. ₃Uyehova uya kunqamla yonke imilomo ebutelezi, nolwimi oluteta izinto ezinkulu: ₄abate: Siya kweyisa ngelwimi zetu; imilomo yeyetu; ngubanina oyinkosi pezu kwetu?

₅Ngenxa yokubandezelwa kwamahlwempu, ngenxa yokugula kwabasweleyo, kaloku ndiya kuvuka, utsho uyehova: ndiya kumbeka ekugcinekeni lowo amcekisayo.

₆Amazwi kayehova ngamazwi amhlope; njengesilivere ilingiwe esinyibilikisweni somhlaba, ecokisiweyo kasixe̔nxe. ₇Wena, Yehova! uya kubagcina, wobalondoloza kwesisizukulwana kude kube ngunapakade. ₈Abakohlakeleyo bayahambahamba ngamacala onke, nxa kupakanyiswa ubuncwangu bonyana babantu.