Amaculo 143

₁YIVA umtandazo wam, Yehova! beka indlebe ekutaṙuziseni kwam: ndipendule ngenyaniseko yako nangobulungisa bako. ₂Uze ungangeni ekugwebeni kwisicaka sako; ngokuba kungalungile ebusweni bako namnye ohleliyo. ₃Ngokuba utshaba lutshutshisile umpefumlo wam; luncinezele ubomi bam ngasemhlabeni; lundihlalisile ezindaweni ezimnyama, njengabakade befile. ₄Ngako umoya wam ucubukile pakati kwam; intliziyo yam imatile pakati kwam. ₅Ndiyakumbula imihla yakudala; ndiyacinga yonke imisebenzi yako; ndiyacamanga umsebenzi wezandla zako. ₆Izandla zam ndiyazolulela kuwe; umpefumlo wam unjengelizwe elomileyo ukunxanelwa wena. Sela.

₇Ndipendule kamsinyane, Yehova! umoya wam uyapela: zungandifihleli ubuso bako, hleze ndifane nabahlele esihogweni. ₈Ndivise ububele bako kwa kusasa; ngokuba nditembele kuwe: ndazise indlela endiya kuhamba ngayo; ngokuba ndipakamisele kuwe umpefumlo wam. ₉Ndikulule ezintshabeni zam, Yehova! ndiyazimela kuwe. ₁₀Ndifundise ukwenza ngentando yako; ngokuba ungutixo wam: umoya wako ulungile; ndikokele ezweni elilungeleleneyo. ₁₁Ngenxa yegama lako, Yehova! ndipilise: ngenxa yobulungisa bako ku̔pa umpefumlo wam ekubandezelweni. ₁₂Nangobubele bako banqamle intshaba zam, utshabalalise bonke abo babandezela umpefumlo wam: ngokuba ndisisicaka sako.