Amaculo 145

₁NDOKUPAKAMISA, Tixo wam, Kumkani! ndandiya kubonga igama lako kude kube ngunapakade. ₂Ngemihla yonke ndokubonga; ndandiya kudumisa igama lako kude kube ngunapakade. ₃Umkulu uyehova; ulungel nkudunyiswa kakulu: ubukulu bake abunakupengululwa. ₄Esinye isizukulwana siya kuncoma imisebenzi yako kwesinye, sishumayele izenzo zako zamandla. ₅Ndiya kuteta ngodumo olubungcwalisa lwobungangamsha bako, nangendawo zemimangaliso yako. ₆Baya kutyela amandla ezenzo zako ezoyikekayo: ndandiya kubalisa ubukulu bako. ₇Baya kukolisa ukuxela inkunjulwa yobubele bako obuninzi, badumise ubulungisa bako ngovuyo.

₈Uyehova unofefe nenceba; uqumba kade, enobubele obukulu. ₉Uyehova nlungile kubo bonke: nenceba zake zipezu kwayo yonke imisebenzi yake. ₁₀Yonke imisebenzi yako yokudumisa, Yehova! nabangcwele bako bokubonga. ₁₁Baya kutyela ubungcwalisa bobukumkani bako, batete ngamandla ako: ₁₂ukwazisa konyana babantu izenzo zake zamandla, nobungcwalisa bodumo lwobubumkani bake. ₁₃Ubukumkani bako bubukumkani obungunapakade; nobukosi bako bobesizukulwana ngesizukulwana.

₁₄Uyehova uyasekela bonke abawayo; uyabapakamisa bonke abatotyiweyo. ₁₅Amehlo abo bonke ayakangela kuwe; uyabamkelisa ukutya kwabo ngexesha lako. ₁₆Uyavula isandla sako, ukolise intando yako konke okuhleliyo. ₁₇Uyehova unobulungisa kuzo zonke indlela zake: unobubele kuyo yonke imisebenzi yake.

₁₈Uyehova ukufupi kubo bonke abambizayo, kubo bonke abambizayo ngenyaniso. ₁₉Intando yabamoyikayo woyifeza; nesikalo sabo uya kusiva, abasindise. ₂₀Uyehova uyabagcina bonke abamtandayo: kodwa abakohlakeleyo bonke uya kubatshabalalisa. ₂₁Umlomo wam uya kuteta udunyiswa lukayehova: maluti uluntu lwonke lubonge igama lake elingcwele kude kube ngunapakade.