Amaculo 17

₁YEHOVA! yiva okulungileyo, pulapula ukumemeza kwam; nika indlebe emtandazweni wam, ongapumi emlonyeni wenkohliso. ₂Ukugwetyelwa kwam makuvele ebusweni bako; amehlo ako makakangele okufanelekileyo. ₃Uyilingile intliziyo yam; undibonile ebusuku: undicokisile, akuyi kufumana nto; ndicingile, umlomo wam awuyi kugqita. ₄Ngokwemisebenzi yabantu, ngelizwi lomlomo wako ndizilumkile indlela zesidlwengu. ₅Sekela ukuhamba kwam emikondweni yako, kuze ukunyatela kwam kungatyibiliki.

₆Ndibizile kuwe, ngokuba uya kundipendula, Tixo! tobela kum indlebe yako, uve ukuteta kwam. ₇Yenza izibele zako zibe ngummangaliso, wena ubasindisayo abatembela kuwe kwabo bavukayo ngakwesandla sako sokunene! ₈Ndigcine njengokozo lweliso, ndifihle pantsi kwesitunzi samapiko ako, ₉kubo abakohlakeleyo abandicitayo, kuzo intshaba zobomi bam ezindiṙaulayo. ₁₀Bazivingcele ekutyebeni kwabo: bayateta ngeṙatshi ngomlomo wabo. ₁₁Basingqongile kaloku ekuhambeni kwetu: babekile amehlo abo ukutobela emhlabeni. ₁₂Ukuxelisa kwabo kunjengokwengonyama enxamele ukuqwenga; nanjengokwengonyama entsha ihleli ezindaweni ezingasese.

₁₃Vuka, Yehova! mpangele, mwise pantsi: sindisa umpefumlo wam kokohlakeleyo, oliṙele lako; ₁₄kubo abantu, abasisandla sako, Yehova! kubo abantu belizwe elikoyo, abasabelwa sikwokukudliwa kwobomi, nabasisu usizalisayo ngendyebo yako: bakoliwe ngabantwana; nesisalela sabo bayasishiyela intsapo zabo.

₁₅Mna, ndobona ubuso bako ebulungiseni: ndoba ndikoliwe ngumfanekiselo wako ndakuvuka.