Amaculo 27

₁UYEHOVA ulukanyo lwam nosindiso lwam, ndiya kwoyika banina? uyehova ungamandla obomi bam, ndiya kungcangcazela ngobanina? ₂Bati abenzi bokungalungileyo bakusondela ngakum, ukuza kudla inyama yam, kwa abayimpi kum, nabazintshaba zam, baku̔beka bawa. ₃Nakuba umkosi ubuya kundivimbela, intliziyo yam ayisayi kwoyika; nakuba imfazwe ibiya kundivukela, senditembela koku. ₄Inye into endicelileyo kuyehova, eyona ndiya kuyifuna: ukuba mandihlale endlwini kayehova yonke imihla yokudla kwam ubomi; ndize ndikangele ubuhle bukayehova, ndibuze nokubuza etempileni yake. ₅Ngokuba eya kundizimeza etabanakeleni yake ngomhla welishwa: wondifihlela endaweni efihlakeleyo yentente yake: wondimisa pezulu eweni. ₆Kanjalo kaloku intloko yam yopakanyiswa pezulu pezu kwentshaba zam ezindingqongayo: ngako ndiya kubinga imibingo yomgcobo ententeni yake; ndovuma, ndocula nokucula, kuyehova.

₇Yiva ilizwi lam, ndakubiza, Yehova! ube nofefe kum, undipendule. ₈Nxa ubusiti: Funani ubuso bam; intliziyo yam yati: Ubuso bako, Yehova! ndobufuna. ₉Zungandifihleli ubuso bako; zungabebeti isicaka sako ngengqumbo: ubunguye umncedi wam; zungandilahli, zungandishiyi nokundishiya, Tixo wosindiswa lwam! ₁₀Ngokuba ndishiyiwe ngubawo nanguma̔; kodwa uyehova wondamkela. ₁₁Ndifundise indlela yako, Yehova! undikokele ngendlela elungeleleneyo, ngenxa yabandihlolayo. ₁₂Zungandinikeli ekukanukeni kwentshaba zam; ngokuba kuvuke ngakum amanqi̔na abuxoki, kwa nopefumla ubudlwengu.

₁₃Ngendiba ndibubile, ukuba bendingakolwanga ukubona ukulunga kukatixo emhlabeni wabahleliyo. ₁₄Kangela kuyehova, ukalipe, waeya kuyomeleza intliziyo yako; ewe, kangela kuyehova.