Amaculo 35

₁PIKA wena, Yehova! nabo bapika nam; yilwa wena nabo balwayo nam. ₂Bamba ikakana nekaka, upakamele ukundinceda. ₃Ṙo̔la intshuntshe, uti vingci indlela ngakubo abandiputumayo: yiti kumpefumlo wam: Ndilusindiso lwako. ₄Mabadaniswe, baviswe ihlazo, abo bafuna ubomi bam: mabanqandelwe ngomva, bamatiswe, abo baqingela ukwenzakala kwam. ₅Mababe njengomququ pambi kwomoya, iti ingelosi kayehova ibaqu̔be. ₆Indlela yabo mayibe bumnyama nobutelezi, iti ingelosi kayehova ibaputume. ₇Ngokuba bendifihlele utambo lwabo emnxunyeni kungeko nto; babewumbele umpefumlo wam kungekwa nto ke. ₈Wohlelwa yintshabalaliso engazi; utambo alufihlileyo luya kubamba yena, uya kuwa entshabalalisweni kwa kuyo yona. ₉Kodwa owam umpefumlo wovuyelela kuyehova; uya kugcoba kulo usindiso lwake. ₁₀Amatambo am onke oti: Yehova! ngubanina onjengawe? wena ukululayo olihlwempu komandla makulu kwawake, ewe, olihlwempu nosweleyo kulowo umpangayo.

₁₁Kuyavuka amanqi̔na abuxoki; ayandibuza oko endingakwazanga. ₁₂Ayandivuza ngokukohlakeleyo esikundleni sokulungileyo, efuna ukuhlutwa kwompefumlo wam. ₁₃Kanti mna, nxa abesifa, ingubo yam yayintlakantlaka; ndabandezela umpefumlo wam ngokuzila ukutya; wati umtandazo wam wabuyela kwa sesifubeni sam. ₁₄Ndaman’ ukwenza njengokungati ungumhlobo nomzalwana kum; ndazitoba ndilila, njengokulila kwonina. ₁₅Kodwa bona bavuya ndakuqwalela, bahlanganisana; abajindi bahlanganisana ngakum, ndingazi; baqwenga, bengayeki: ₁₆ndawonye nabahleki ababuginwa emitendelekweni, banditshixizela ngamazinyo.

₁₇Nkosi! uya kubonela kude kube ninina? Buyisa umpefumlo wam kuzo intshabalaliso zabo, udwa lwam kuzo ingonyamana. ₁₈Ndobulela kuwe entlanganisweni enkulu; ndokudumisa pakati kwabantu abaninzi. ₁₉Abo bazintshaba zam ngobuxoki mabangandivuyeleli; abo banditiyayo kungeko nto mabangapanyazi ngeliso. ₂₀Ngokuba bengateti uxolo; bayaqinga indawo zenkohliso ngakubo abazolileyo bomhlaba. ₂₁Ewe, bawakamisa umlomo wabo pezu kwam; bati: He ke! he ke! iliso letu libonile. ₂₂Ubonile, Yehova! ungati cwaka: Nkosi! ungabi kude nam. ₂₃Zivuse, uvukele ukulungiswa kwam, kwa ityala lam, Tixo wam nenkosi yam! ₂₄Ndilungise njengokwobulungisa bako, Yehova, Tixo wam! mabangandivuyeleli bona. ₂₅Mabangati ezintliziyweni zabo: Tshotsho, mpefumlo wetu! mabangati: Simginyile. ₂₆Mabadaniswe, bamatiswe kunye, abo bavuyayo ngelishwa lam: mabavatiswe ngedano nangehlazo, abo bazenza bakulu ngakum. ₂₇Mabadanduluke ngovuyo, bagcobe, abo bakolela ubulungisa bam; ewe, mabaman’ ukuti: uyehova makenziwe mkulu, okolela itamsanqa lesicaka sake. ₂₈Ulwimi lwam luya kuteta ngobulungisa bako, nangodumo lwako imini yonke.