Amaculo 57

₁YIBA nofefe kum, Tixo! yiba nofefe kum; ngokuba umpefumlo wam utembele kuwe: ndandiya kupepela esitunzini samapiko ako, zide ingozi zidlule. ₂Ndiya kubizela kutixo opezu kwonke, kwa kutixo oya kundifezela. ₃Uya kutuma ezulwini, andisindise kuko ukugxeka kwondinxameleyo. Sela. Utixo uya kutuma ububele bake nenyaniso yake. ₄Umpefumlo wam upakati kwengonyama; ndiyalala pantsi nabavutiweyo, onyana babantu, abamazinyo ayimigwazo nentolo, nolwimi lwabo luliṙele elibukali. ₅Yiba upakamile pezu kwezulu, Tixo! nobungcwalisa bako pezu kwomhlaba wonke.

₆Balungisile utambo emanyateleni am; umpefumlo wam utotyiwe; bambele isihogo ebusweni bam, beyele kuso bona. Sela. ₇Intliziyo yam iqinisiwe, Tixo! intliziyo yam iqinisiwe: ndiya kuvuma, ndicule nokucula. ₈Vuka, ngcwalisa yam! vuka, nebele nekinore! ndiya kuvuka kusasa mna. ₉Ndokudumisa, Nkosi! pakati kwezizwe; ndocula kuwe pakati kwentlanga. ₁₀Ngokuba ububele bako bukulu kude kube sezulwini, nenyaniso yako kude kube semafini. ₁₁Yiba upakamile pezu kwezulu, Tixo! nobungcwalisa bako pezu kwomhlaba wonke.