Amaculo 62

₁NGENYANISO umpefumlo wam uyalinda utixo: luvela kuye usindiswa lwam. ₂Ngenyaniso nguye ilityekazi lam nosindiso lwam; nguye inyango yam, andiyi kushukunyiswa kakulu. ₃Nomana ukuqinga ububi ngasemntwini kude kube ninina? niya kubulawa nonke; niya kuba njengodonga olutambekayo notango oluwayo. ₄Bayacebana kupela ukuba bamwise ebukulwini bake; bayatanda ubuxoki; bayatamsanqelisa ngomlomo wabo, kanti ngombilini wabo bayaqalekisa. Sela.

₅Kodwa wena, mpefumlo wam! yiti cwaka pambi kwotixo; ngokuba ukukangela kwam kuvela kuye. ₆Ngenyaniso nguye ilityekazi lam nosindiso lwam; nguye inyango yam, andiyi kushukunyiswa. ₇Usindiswa lwam lu kutixo, kwa nobungcwalisa bam; ilityekazi lamandla am, nendawo yam yokupepela, zikutixo. ₈Tembani yena futi, bantu! palazani intliziyo yenu ebusweni bake: utixo uyindawo yokupepela kuti. Sela.

₉Ngenyaniso abantu abamnyama abandawo; abantu abakulu babuxoki: esilinganisweni bayanyuka, belula kokungendawo kwa kunye. ₁₀Musani ukutemba ekubandezeleni; musani ukuqa̔yisa ekubadeni: nxa ubutyebi bandayo, musani ukumisa intliziyo. ₁₁Utixo wateta kwa kanye; kukabini endikuvileyo oku; ukuba amandla alunge kutixo. ₁₂Kanjako kuwe, Nkosi! kulunge ububele; ngokuba uvuza abanye ngabanye njengokwemisebenzi yabo.