Amaculo 69

₁NDISINDISE, Tixo! ngokuba amanzi engene empefumlweni. ₂Nditshonile eludakeni olunzulu, kungeko ndawo yokuma: ndingene ezinzulwini zamanzi, apo umsinga undikukulisayo. ₃Ndidiniwe kukubiza kwam; umqala wam utshile; amehlo am ayapela, nxa ndilinda utixo wam. ₄Bagqitisile inwele zentloko yam ngokuba baninzi abanditiyayo kungeko tuba; bayinto enkulu abanga banganditshabalalisa, abazintshaba zam kungeko ndawo: oko ndingakupanganga ndiya kwandula ndikubuyise.

₅Tixo! uyazi wena ngobugeza bam; nezilandu zam azikufihlelwanga. ₆Abo bakangela kuwe, Nkosi, Yehova wemikosi! mabangadaniswa ngam: abo bakufunayo, Tixo wo‐Sirayeli! mabangaviswa ihlazo ngam. ₇Ngokuba ngenxa yako nditwele isituko; ihlazo ligubungele ubuso bam. ₈Sendingowasemzini kubazalwana bam, nongaziwayo kubantwana bakama̔. ₉Ngokuba ubukwele bendlu yako bundidlile; izituko zabakutukileyo ziwile pezu kwam. ₁₀Ndaye ndilila ndagqiba umpefumlo wam ekuzileni; kanti oko kwaba yinto yokutukwa kwam. ₁₁Kanjalo ndenza ingubo yam ngentlakantlaka; ndaza ndaba yinto yokuzekeliswa kubo. ₁₂Abo bahleli esangweni bayateta ngakum; ndiba yingoma yabasela utyalwa.

₁₃Kodwa mna, ukutandaza kwam kukuwe, Yehova! ngexesha elikolekileyo: Tixo! ngobuninzi bobubele bako ndipendule, ngenyaniso yosindiso lwako. ₁₄Ndihlangule eludakeni, mandingatshoni: mandihlangulwe kwabanditiyayo, nasezinzulwini zamanzi. ₁₅Umsinga wamanzi maungandikukulisi, inzulu maingandiginyi, umnxuma maungavingci umlomo wawo pezu kwam. ₁₆Ndive, Yehova! ngokuba ububele bako bulungile; beka kum ngabo ubuninzi benceba zako. ₁₇Zungafihleli isicaka sako ubuso bako; ngokuba ndisekubandezelweni; ndipendule kamsinya. ₁₈Sondela empefumlweni wam, uwukulule; ngenxa yentshaba zam ndisindise.

₁₉Wena wazile ukutukwa kwam, nokudana kwam, nokuhlaziswa kwam: abo bayimpi kum bonke bapambi kwako. ₂₀Ukutukwa kuqekezile intliziyo yam; ndiyafa kakulu: ndakangela ukuku̔zwa, kanti bekungeko; nabatutuzeli, kanti andibafumananga. ₂₁Bandinika inyongo ibe kukudla kwam; nasekunxanweni kwam bandiseza iyasine.

₂₂Isitebe sabo masibe sisibata ebusweni babo; ewe, masibe ngumgibe kubo besekwonwabeni. ₂₃Amehlo abo makenziwe mnyama, baze bangaboni; nezinqe zabo uzenze zingcangcazele futi. ₂₄Galela ingqumbo yako pezu kwabo, buti ubushushu bomsindo wako bubabambe. ₂₅Maibe indlu yabo icitakele; makungabiko namnye ohlala ezintenteni zabo. ₂₆Ngokuba betshutshisa lowo umbetileyo wena, beteta ngobuhlungu benxweleṙa zako. ₂₇Beka inkohlakalo pezu kwenkohlakalo yabo; mabangangeni ebulungiseni bako. ₂₈Mabacinywe encwadini yabahleliyo; mabangaba̔lwa ndawonye nabalungileyo.

₂₉Kodwa mna ndibuhlwempu, ndilusizi: usindiso lwako, Tixo! malundibeke enyangweni. ₃₀Ndiya kudumisa igama likatixo ngeculo, ndimenze mkulu ngombulelo. ₃₁Oku kuya kukolisa uyehova pezu kwenkabi, napezu kwenkunzana enempondo eyahluka impupu. ₃₂Abalulamileyo bobona bavuye; yaiya kupila intliziyo yenu, nina nimfunayo utixo! ₃₃Ngokuba uyehova esiva amahlwempu, engadeli nababanjwa bake.

₃₄Mazimdumise izulu nomhlaba, ilwandle nento zonke ezishukumayo kuzo. ₃₅Ngokuba utixo eya kusindisa i‐Ziyone, ake izixeko zakwa‐Juda; ize bahlale kona, bayifuye. ₃₆Inzalo yezicaka zake nayo iya kudla ilifa layo; nabo batanda igama lake bohlala kuyo.