Amaculo 81

₁GCOBANI kutixo amandla etu: dandulukani ngovuyo kutixo ka‐Yakobi. ₂Pakamisani ngeculo, betani intambula, ikinore emnandi kunye nenebele. ₃Vutelani ngexilongo ekutwaseni kwenyanga; nasekuhlangananeni kwayo, ngemini yomtendeleko wetu.

₄Ngokuba lo ungummiso ku‐Sirayeli, isiko lotixo ka‐Yakobi. ₅Wawumisela kwa‐Josefe ube sisinqi̔nelo, okuya wapumela pezu kwelizwe le‐Jipete; apo ndeva inteto endingayiqondanga. ₆Ndasusa igxalaba lake emtwalweni; zemka izandla zake ezimbizeni. ₇Wakala ebunzimeni, ndakukulula ke; ndakupendula emfihlelweni yodudumo; ndakulinga ngasemanzini e‐Meriba. Sela.

₈Yivani, bantu bam! ndoninqi̔nela: Sirayeli! ukuba uya kundipulapula ₉akuyi kubako tixo wasemzini kuwe; kanjalo wena akuyi kutoba pambi kwotixo ongaziwayo. ₁₀Mna ndi nguyehova, utixo wako, obekunyusa ezweni le‐Jipete; yakamisa umlomo wako, ndowuzalisa. ₁₁Kuloko abantu bam bengevanga ilizwi lam; u‐Sirayeli akandivumanga. ₁₂Ndaza ndabayekelela ebulukunini bentliziyo zabo; bahamba ngawabo amacebo.

₁₃Akwaba abantu bam babendipulapula, wati u‐Sirayeli wahamba ngezam indlela! ₁₄Ngendiba nditobisile intshaba zabo kamsinyane, ndabuyisela pezu kwabayimpi kubo isandla sam. ₁₅Abo batiya uyehova ngebese bezenzisile kuye: kanti elabo ixesha beliya kubako kude kube ngunapakade. ₁₆Ebeya kubadlisa kwinqolowa etyebileyo; nangobusi buvela eweni bendiya kukukolisa.