Amaculo 9

₁NDODUMISA uyehova ngentliziyo yam yonke; ndoshumayela yonke imimangaliso yako. ₂Ndovuya ndigcobe kuwe: ndoculela igama lako, wena upezu kwonke!

₃Intshaba zam ekubuyeni kwazo ngomva, zoku̔beka zibube ngenxa yako. ₄Ngokuba ulungisile ibango lam netyala lam; wauhleli esihlalweni sobukumkani ugweba ngobulungisa. ₅Ubakalimele abaheyideni, utshabalalisile okohlakeleyo, ucimile igama labo kude kube ngunapakade. ₆Wena lutshaba! indawo ezicitakeleyo zipelile kanye: izixeko uzicitile; isikumbuzo sazo zona site tshabalala.

₇Kodwa uyehova wohlala kude kube ngunapakade: isihlalo sake sobukumkani usimisele ukugweba: ₈waye yena eya kugweba ilizwe ngobulungisa; uya kwenzela intlanga umgwebo ngokufanelekileyo. ₉Uyehova woba yinyango kubo abancinezelweyo, kwa yinyango ngamaxesha obunzima. ₁₀Abalaziyo igama lako botembela kuwe; ngokuba wena. Yehova! ungabalahlanga abakufunayo.

₁₁Culani kuyehova, ohleli e‐Ziyone: xelani pakati kwezizwe izenzo zake. ₁₂Nxa abuza igazi, uyakumbula zona: akalibali ukukala kwababandezelweyo.

₁₃Ndipate ngofefe, Yehova! kangela ukubandezelwa kwam ngabandizondayo, wena undipakamisayo emasangweni okufa! ₁₄ukuze ndishumayele lonke udumo lwako emasangweni entombi ka‐Ziyone, ndigcobe kulo usindiso lwako.

₁₅Abaheyideni batshonele emnxunyeni babewenzile; elutanjeni abalufihlileyo lubanjiwe olwabo unyawo. ₁₆Uyehova uyaziwa ngomgwebo awenzileyo; ngomsebenzi wezake izandla okohlakeleyo utiyelwe. Sela. Higayone.

₁₇Abakohlakeleyo bobuyela esihogweni; kwa zonke izizwe ezilibala utixo. ₁₈Ngokuba osweleyo engayi kuhlala elityalwa; itemba lamahlwempu aliyi kuba ngunapakade litshabalala.

₁₉Pakama, Yehova! mayingeyisi into engumntu; izizwe mazigwetywe pambi kwobuso bako. ₂₀Beka ukwoyika pezu kwazo, Yehova! zizazi izizwe ukuba zingabantu kodwa. Sela.