Amaculo 91

₁OMIYO emfihlelweni yopezu kwonke, uya kuhlala emtunzini wonamandla onke. ₂Sendiya kuti ngoyehova: Yindawo yam yokupepela, nenqaba yam; ngutixo wam; ndiya kutembela kuye.

₃Ngenyaniso wokuhlangula esigwini somtiyeli wentaka, nasesifeni esibubisayo kakulu. ₄Wokugubungela ngentsiba zake, nangapantsi kwamapiko ake uya kutemba: inyaniso yake ilikaka, nekakana. ₅Akuyi kwoyika isituso sasebusuku, notolo olubalekayo emini, ₆nesifo esibu̔bisayo esihambayo ebumnyameni, nesitshabalaliso esitshabalalisayo emini enkulu. ₇Kwowa iwaka ecaleni lako, neshumi lamawaka ngesokunene sako; kuloko kungayi kusondela kuwe. ₈Uya kukangela kodwa ngamehlo ako, ubone ukuvuzwa kwabakohlakeleyo. ₉Ngenxa yokuba uyehova, indawo yam yokupepela, lo upezu kwonke, umenzile ikaya lako, ₁₀akuyi kuhlelwa bububi, nesibulalo asiyi kusondela endlwini yako. ₁₁Ngokuba eya kuyalela ingelosi zake ngawe, ukuba zikugcine ezindleleni zako zonke. ₁₂Zokufunqula ngezandla, hleze uku̔bekise unyawo lwako ngasetyeni. ₁₃Uya kunyatela pezu kwengonyama neṙamba; ingonyama entsha nenamba uya kuzinyatela ngenyawo.

₁₄Ngokuba enditandile kakulu, kukona ndiya kumkulula; ndiya kumbeka enyangweni, ngokuba elazile igama lam. ₁₅Uya kubiza kum, ndimpendule ke; ndoba naye ebunzimeni; ndomkulula, ndimnike udumo. ₁₆Ndiya kumkolisa ngobude bemihla, ndimbonise usindiso lwam.