Amaculo 92

₁KULUNGILE ukubulela kuyehova, nokucula egameni lako, wena ungopezu kwonke! ₂ukushumayela ububele bako kusasa, nenyaniseko yako ebusuku, ₃ngento ezintambo zilishumi, nangenebele, ngekinore ecingisayo. ₄Ngokuba wena, Yehova! undivuyisile ngesenzo sako; ndiya kugcoba ngemisebenzi yezandla zako. ₅Yehova! hai ubukulu bemisebenzi yako! inkumbulo zako zendele kakulu.

₆Umntu odolileyo akazi; nosidenge akakuqondi oku. ₇Nxa batyatyambayo abakohlakeleyo njengenca, nanxa bahlumayo bonke abenzi bobubi, kukuba baya kubu̔jiswa kude kube ngunapakade. ₈Kodwa wena, Yehova! ungopezulu kude kube ngunapakade. ₉Ngokuba, bona ke, intshaba zako, Yehova! ngokuba, bona ke, intshaba zako ziya kutshabalala; bonke abenzi bobubi baya kucitwa.

₁₀Kodwa upondo lwam uya kulupakamisa njengolwenyati; ndiya kutanjiswa ngeoli entsha. ₁₁Laye iliso lam liya kukangela pezu kwabandihlolayo; indlebe zam zova ngabo abakohlakeleyo abasukela ngakum. ₁₂Olungileyo uya kutyatyamba njengomti wepalime; uya kukula njengesedare e‐Lebanone. ₁₃Abatyalwayo endlwini kayehova, baya kutyatyamba emakusini katixo wetu. ₁₄Boba besaxakata nasebudaleni; bocu̔ma babe luhlaza; ₁₅kuze kushunyayelwe ukuba uyehova ulungile: ulilityekazi lam, okungeko bumenemene kuye.