Amaculo 95

₁YIZANI, masigcobe kuye uyehova; masenze intsholo yovuyo kwilityekazi losindiswa lwetu. ₂Masize ebusweni bake ngokubulela; masenze intsholo yovuyo kuye ngamaculo.

₃Ngokuba uyehova e ngutixo omkulu, nokumkani omkulu pezu kwabo bonke otixo. ₄Indawo ezinzulu zomhlaba zisesandleni sake; indyebo zentaba zizezake nazo. ₅Ulwandle lolwake, walwenza; nomhlaba owomileyo izandla zake zawudala.

₆Yizani, masibedeshe sitobe pantsi; masiguqe ngamadolo ebusweni bukayehova owasenzayo. ₇Ngokuba yena e ngutixo wetu; nati singabantu besidlelo sake nezimvu zesandla sake.

Namhla nje ukuba niya kuliva ilizwi lake, ₈maningazenzi lukuni intliziyo zenu, njengase‐Meriba, njengasemhleni wase‐Masa entlango; ₉okuya oyihlo benu bandilinga, bandivavanya, ewe babona umsebenzi wam. ₁₀Bendidela isizukulwana eso iminyaka yamashumi mane; ndati: Ngabantu abantliziyo ilahlekayo, abazazanga indlela zam: ₁₁endafunga ngabo ngomsindo wam, ukuti: Abasayi kungena ekupumleni kwam.