Amaculo 97

₁UYEHOVA upete ngobukumkani; maugcobe umhlaba; masivuye isininzi seziqiti.

₂Amafu nesitokotoko ziyamngqonga; ubulungisa nobugwebo bungumsekelo weterone yake. ₃Umlilo uyahamba pambi kwake, otshisa intshaba zake ngamacala onke. ₄Imibane yake yakanyisa ilizwe; umhlaba wabona, wangcangcazela. ₅Intaba zanyibilika njengomtwebeba ebusweni bukayehova, ebusweni benkosi yomhlaba wonke.

₆Izulu liyaxela ubulungisa bake, nezizwe zonke ziyabona ubungcwalisa bake. ₇Bodaniswa bonke abo bakonza umfanekiso oqingqiweyo, abaziqa̔yiselayo ngawo amadalo: bedeshani yena, nonke nina botixo!

₈I‐Ziyone yeva, yavuya; intombi zakwa‐Juda zagcoba, ngenxa yemigwebo yako, Yehova! ₉Ngokuba wena, Yehova! upezulu pezu kwomhlaba wonke; upakamile kakulu pezu kwabo bonke otixo.

₁₀Nina nimtandayo uyehova! tiyani okungalungileyo: uyagcina imipefumlo yabangcwele bake; uyabakulula esandleni sabakohlakeleyo. ₁₁Ukukanya kuhlwayelelwe olungileyo, novuyo luhlwayelelwe abantliziyo zilungisekile. ₁₂Vuyani kuyehova, nina balungileyo! nibulele ngenkumbuzo yobungcwele bake.