Isityilo sika‐Johane 10

₁Ndaza ndabona enye ingelosi eyomeleleyo isihla ezulwini, ilambete ilifu; kwaye kuko umnyama pezu kwentloko yayo; ubuso bayo bebunjengalo ilanga, nenyawo zayo bezinjengentsika zomlilo; ₂kanjalo ibipete esandleni sayo incwadana ivulekile: yaza yabeka unyawo lwayo lwokunene pezu kwolwandle, nolwokohlo pezu kwomhlaba, ₃yadanduluka ngelizwi elikulu, njengoko ingonyama ikonyayo: naxeshekweni yadandulukayo, zateta zona indudumo zisixe̔nze amazwi azo. ₄Kekaloku xeshekweni indudumo zisixe̔nxe ezo bezitetile amazwi azo, bendiza kuba̔la. Ndaza ndeva ilizwi livela ezulwini lisiti kum: Ncamatisela ezonto zatetwayo zindudumo zosixe̔nxe, ungaziba̔li zona ezi. ₅Yaza yati ingelosi, leyo ndayibonayo imi pezu kwolwandle napezu kwomhlaba, yapakamisa isandla sayo ngasezulwini, ₆yafunga lowo upilileyo kude kube ngunapakade kanapakade, owadalayo izulu nezinto ezikulo, nomhlaba nezinto ezikuwo, nolwandle nezinto ezikulo, ukuba akusayi kuba seko xesha; ₇koko kuya kuti emihleni yelizwi leyesixe̔nxe ingelosi, yakuza kuhlokomisa, kwandul’ ukufezwa imfihlakalo katixo, njengokuba eshumayele kuzo izicaka zake abaprofite.

₈Laza elolizwi ndalivayo livela ezulwini labuya lateta nam, lati: Yiya utabate loncwadana ivulekileyo esandleni sayo ingelosi emiyo pezu kwolwandle napezu kwomhlaba. ₉Ndasuka ndaya kwingelosi leyo, ndati kuyo: Ndinike loncwadana. Yayisiti kum: Tabata, uyidle ugqibe, yaiya kusenza ṙaṙa isisu sako, koko emlonyeni wako iya kuba mnandi njengobusi. ₁₀Ndaza ndayitabata loncwadana kuso isandla sengelosi leyo, ndayidla ndagqiba; yaibe emlonyeni wam injengobusi ukuba mnandi; naxeshekweni bendiyityile, saba ṙaṙa isisu sam. ₁₁Yayisiti kum: Ufanele ukuba ubuye uprofiteshe ngabo abantu, nentlanga, nenteto, nokumkani abaninzi.