1NDAZA ndabona izulu elitsha nomhlaba omtsha; ngokuba elokuqala izulu nowokuqala umhlaba ubudlulile; nolwandle aluseko. 2Ndaza mna Johane ndasibona isixeko esiyingcwele, i‐Yerusaleme entsha, sisihla kutixo sivela ezulwini, silungisiwe njengomtshakazi ehonjelwe indoda yake. 3Ndaza ndeva ilizwi elikulu livela ezulwini, lisiti: Bona ke, itabanakele katixo inabantu, waeya kuhlala nabo; bona boba ngabantu bake, naye utixo ngokwake woba nabo, e ngutixo wabo. 4Kanjalo utixo uya kusula zonke inyembezi emehlweni abo: nokufa akuyi kuba seko; nosizi, nokulila, nobuhlungu abuyi kuba seko: ngokuba izinto zokuqala zimkile.
5Waza watsho lowo uhleli pezu kwayo iterone ukuti: Bona ke, ndizenza ntsha zonke izinto. Wayesiti kum: Ba̔la; kuba lamazwi eyinyaniso eyinene. 6Waza watsho kum ukuti: Kwenzekile. Mna ndingu‐Alefa no‐Omega, isiqalo nesipelo. Lowo onxanwayo ndompa mna kuwo umtombo wamanzi obomi ngesisa. 7Owoyisayo wolidla ilifa lento zonke; ndandiya kuba ngutixo wake, naye yena woba ngunyana wam. 8Kodwa abanobugwala, nabangakolwayo, nabatiyekileyo, nababulali, nabapimisi, nabatakati, nabakonzi bezitixo, nawo onke amaxoki, bona boba nesabiwo sabo ecibini elivutayo ngomlilo nangesufure; okukuko okwesibini ukufa.
9Kwaza kweza kum enye yengelosi zosixe̔nxe ezibe zinazo ifiyali zosixe̔nxe ezibe zizele zizibeto zosixe̔nxe zokugqibela, yateta nam, isiti: Yiza apa; ndokubonisa umtshakazi, umfazi wayo imvana 10Yaza yandisa emoyeni kuyo intaba enkulu ende, yandibonisa esosixeko esikulu, i‐Yerusaleme eyingcwele, sisihla ezulwini kutixo, 11sinabo ubungcwalisa bukatixo: nesikanyiso saso sibe sifana nalo ilitye elinqabileyo kakulu, njengalo ilitye lejasipidi libengezela njengekrisitale: 12sinalo kanjalo udonga olukulu olude; sinawo amasango alishumi linamabini, nengelosi ezilishumi linambini ngakuwo amasango lawo, namagama eba̔liwe pezu kwawo, angawo awezizwe ezilishumi linazibini zosapo luka‐Sirayeli; 13engasempumalanga amasango matatu, engasenode amasango matatu, engasesuyide amasango matatu, engasentshonalanga amasango matatu. 14Kanjako lona udonga lwesixeko belunemisekelo elishumi linamibini, nakuyo yona bekuko amagama abapostile abalishumi linababini bayo imvana. 15Kekaloku lowo ubeteta nam ebenayo ingcongolo yegolide, ukuze asilinganise isixeko, namasango aso, nodonga lwaso. 16Sona isixeko simi sinamacala mane; nobude baso bungaka njengokuba bunjalo ububanzi baso: waza wasilinganisa isixeko ngengcongolo leyo kude kwazizitadiya ezingamawaka alishumi linesibini: ubude nobubanzi nobupakamo baso buyalingana. 17Waza walulinganisa udonga lwaso, ikubite zalikulu linamashumi mane anane, ngomlinganiso womntu, onguwo owengelosi. 18Nesakiwo sodonga lwaso sibe siyijasipidi: nesixeko sona besiyigolide engcwele, sifana neglasi engcwele. 19Nemisekelo yodonga lwesixeko ibihonjiwe ngamatye anqabileyo intlobo zonke: umsekelo wokuqala ubuyijasipidi; owesibini ubuyisafire; owesitatu ubuyikalekidone; owesine ubuyisamagide; 20owesihlanu ubuyisadonutse: owesitandatu ubuyirubi; owesixe̔nxe ubuyikrusolite; owesibozo ubuyiberule; owesitoba ubuyitopaze; oweshumi ubuyikrisoprase; oweshumi linesinye ubuyiyasinte; oweshumi linesibini ubuyiyametisite. 21Namasango olishumi linamabini ebeziperule ezilishumi linambini; onke amasango elinye ngelinye lalisenziwa ngeperule yanye: nesitarate sesixeko besiyigolide engcwele, engati yiglasi ekanyisekayo. 22Kekaloku andabona tempile pakati kwaso: ngokuba inkosi utixo usomandla iyitempile yaso, nayo imvana. 23Kanjako isixeko eso asifuni ilanga, kwa nenyanga, ukuze zikanye pakati kwaso: ngokuba ubungcwalisa bukatixo bebusikanyisa, nayo imvana isisibane saso. 24Zaye intlanga zabasindiswayo ziya kuhamba ekukanyeni kwaso; nokumkani bomhlaba bayazisela kuso ubungcwalisa babo nodumo lwabo. 25Ati amasango aso angaki avalwe emini: ngokuba kungayi kubako busuku kona. 26Kwaye kuziselwa kuso ubungcwalisa nodumo lwentlanga. 27Kuti kanjalo kungaki kungene kuso nanye into enco̔lisayo, neyenzayo okubuntshontsho nokubuxoki; kupela ngabo bodwa ababa̔liweyo encwadini yobomi yemvana.
