1NGAKO sigwetyelwe ngokolo nje, sinalo uxolo kutixo ngayo inkosi yetu u‐Yesu Kristu; 2esite ngayo kanjalo sanokungeniswa ngokolo kolufefe simi kulo; sivuyelela ngetemba lobungcwalisa bukatixo.
3Kungenjalo ke kodwa, koko kanjako sivuyelela ezimbandezelweni; sisazi ukuba imbandezelo iyazuzisa umonde, 4nomonde isazelo, nesazelo itemba; 5liti ke itemba lingadanisi, ngokokuba utando lukatixo lugalelwe ezintliziyweni zetu ngumoya oyingcwele owanikwa kuti.
6Ngokuba u‐Kristu, nxa sibe sisaswele amandla tina, ngexesha elifanelekileyo wafela abangabedeshiyo. 7Ngokuba cebetshu kukohlwa kubako oya kufela olungileyo: noko kungati umhlaumbi kuko okwa nokukalipa ukufela lowo obubele. 8Kodwa utixo uyabonakalisa olwake utando ngakuti, ngokokuba, nxa sibe sisengaboni tina, u‐Kristu wasifela. 9Siya kuti kakulu ngakumbi ngoko, sigwetyelwe nje kaloku ngegazi lake, sisindiswe ngaye emsindweni ozayo. 10Ngokuba, sizintshaba nje, ukuba saxoliswana notixo ngako ukufa kwonyana wake, siya kuti kakulu ngakumbi, sixoliswene nje, sisindiswe ngobomi bake.
11Kungenjalo ke kodwa, koko kanjako sivuyelela kutixo ngayo inkosi yetu u‐Yesu Kristu, esite ngayo kaloku samkela uxoliswano.
12Ngenxa yoku, njengokuba isono sangena elizweni ngaye umntu emnye, nokufa ngaso isono; kwaza ngokunjalo ukufa kwacandela kubo bonke abantu, ngokokuba bonke bebonile:— 13Ngokuba kude kwabako umteto bekuko isono elizweni: kodwa isono asibalelwa, nxa kungekoyo umteto. 14Noko ukufa kwapata ubukosi kwa ku‐Adame kwada kwaku‐Mosesi, kwa pezu kwabo babengonanga ngesigqito esifana nesika‐Adame, ongumfanekiselo walowo obeza kuza. 15Koko kungenjengokuba sinjalo isiposo, ukuba sinjalo nesipo sofefe. Ngokuba, ukuba ngesiposo somnye bafa abaninzi, kukakulu ngakumbi lute ufefe lukatixo nolupo lwake lwakolisa ukwandela abaninzi ngofefe olulolwomnye umntu engu‐Yesu Kristu. 16Kanjako akunjengokuba kunjalo ngaye omnye owonayo, ukuba sinjalo isipiwo: ngokuba umgwebo ungesiposo sinye kube kukugwetywa, kodwa isipo sofefe singeziposo ezininzi kube kukugwetyelwa. 17Ngokuba, ukuba ngesiposo somnye ukufa kwapata ubukosi ngaye omnye lowo, kukakulu ngakumbi baya kuti abo babamkelayo ubuninzi bofefe nopiwo lwobulungisa bapate ubukosi ebomini ngaye omnye ongu‐Yesu Kristu. — 18Ngako ke, njengokuba umgwebo ngaso isiposo sinye ubufikela bonke abantu kube kukugwetywa, kwa njalo nesipo sofefe ngesenzo esilungileyo sinye safikela bonke abantu kube kukugwetyelwa okunobomi. 19Ngokuba, njengokuba ngako ukungeva kwomntu emnye abaninzi benzwa aboni, kwa njalo nangako ukuva kwomnye abaninzi baya kwenzwa abalungileyo.
20Kekaloku umteto wangena nawo, ukuze isiposo sandiswe. Kodwa apo sandiswa kona isono, lwakolisa ukwanda kakulu ngakumbi ufefe: 21ukuze ke, njengokuba isono sapata ubukosi ekufeni, luti kwa njalo nofefe lupate ubukosi ngabo ubulungisa bube bubomi obungunapakade, ngaye u‐Yesu Kristu inkosi yetu.
