Ingoma ka‐Solomone 6

₁Siye ngapina isitandwa sako, wena mhle pakati kwamankazana? sijikele ngapina isitandwa sako? ukuze sisifune kunye nawe.

₂Isitandwa sam sihlile ukuya esitiyeni saso, ezindimeni zebeseme, ukudla ezitiyeni, nokuka inyibiba. ₃Mna ndingowesitandwa sam, nesitandwa sam sisesam: siyalusa pakati kwazo inyibiba.

₄Umhle wena, sihlobokazi sam, njenge‐Tiretsa, unobuhle njenge‐Yerusaleme, unokwoyikeka njengemikosi ezipete ibanile. ₅Nqanda amehlo ako kum, ngokuba ndiseyiswa ngawo; inwele zako zinjengomhlambi webokwe ezibonakalayo e‐Gileyadi. ₆Amazinyo ako anjengomhlambi wegushakazi, ezinyukayo endaweni yokuhlambela, eziti zonke ngezinye zizale amawele, nekungeko pakati kwazo efelweyo. ₇Isidlele sako sinjengeqezu legranate ngasemva kwesigqubutelo sako. ₈Kuko okumkanikazi abamashumi matandatu, namashweshwe angamashumi asibozo, nentombi ezingenakubalwa. ₉Umnye lowo olihobekazi lam, umcocwakazi wam; lowo ungokupela kwonina, lowo ungotandekileyo kowamzalayo. Zambona intombi, zambiza ngonetamsanqa; kwa okumkanikazi, namashweshwe, bamdumisa, besiti: ₁₀Ngubanina lo oti gqi njengokusa, emhle njengenyanga, emhlope njengelanga, esoyikeka njengemikosi ezipete ibanile?

₁₁Ndehlela esitiyeni senote, ukuya kukangela imifuno yasentilini, ukubona ukuba umti weveyine uyaqumba na, ukuba igranate ziyahluma na. ₁₂Ndingekazi ke, wati umpefumlo wam wandibeka pakati kwenqwelo zabantu bam abadumileyo.

₁₃Buya, buya, Mshulemekazi! buya, buya, ukuba sikubonele.

Yinina ukuba nimbonele um‐Shulemekazi, njengomdudo wezintlu mbini?