Incwadi ka‐Paulusi ku‐Titusi 1

₁UPAULUSI, isicaka sikatixo, nompostile ka‐Yesu Kristu, ngokwokolo lwabaqashwa bakatixo nokwaziwa kwenyaniso eyelelana nobubedesho, ₂etembeni lobomi obungunapakade, owayete utixo ongenakuxoka wabubekela ngedinga engekabiko onke amaxesha akudala, ₃kodwa walibonakalisa kwawake amaxesha ilizwi lake ngentshumayelo, endapatiswa yona ngokwomyolelo womsindisi wetu utixo; ₄kuye u‐Titusi, owam umntwana wenyaniso ngokwokolo olulolwabo bonke: Ufefe, ububele, noxolo, luvela kuye utixo uyise, nenkosi u‐Yesu Kristu umsindisi wetu.

₅Ngenxa yalendawo ndakushiya e‐Kirete, ukuba uhambise ukuzilungisa ezonto zisaswelekileyo, ubamise abadala kuzo zonke izixeko, njengoko ndakuyalelayo: ₆ukuba kuko onganikwa tyala lanto, eyindoda yomfazi mnye, enabantwana abakolwayo, bengenakunikwa tyala labubedengu, bengengabangenakululamela kanjalo. ₇Ngokuba ongumlindi efanele ukuba abe ngonganikwa tyala lanto, njengokuba eligosa likatixo; angabi ngonenkani, angabi ngoqumba msinya, angabi ngohlala kade pezu kweveyine, angabi ngumbeti, angabi ngonxamela inzuzo embi, ₈abe ngumbuki wabasemzini, umtandi wabalungileyo, enobutelekelelo, enobulungisa, enobungcwele, enobunca̔tu: ₉ebambelela kwilizwi elinyanisekileyo njengokufundiswa kwake, ukuze abe namandla kwa nokuyala ngemfundiso enobomi, nokwanyela abapikayo.

₁₀Ngokuba kuko abafumana beteta nabakohlisi abaninzi abangenakululamela, abona banjalo kakulu bengabo basekwalukeni; ₁₁abamilomo ifanele ukutiwa vingci, ekubeni baziwisayo izindlu zipela, befundisa izinto ekungafanele ukuba bazifundise, ngenxa yenzuzo embi. ₁₂Watsho umntu wakuwo, umprofite wakowawo, ukuti: Ama‐Kirete ngamaxoki futi, ngamar̔amncwa amabi, zizisu ezinqenayo. ₁₃Ubunqi̔na obu buyinene. Yiti ngenxa yelituba ubohlwaye ngobukali, ukuze babe bepilile elukolweni: ₁₄benganyamekeli intsomi zakuma‐Juda nemiyalelo yabantu abapambukayo kwinyaniso.

₁₅Kubo abacocekileyo zonke izinto zicocekile: kodwa kubo abanco̔lisekileyo nabangakolwayo akuko nto ecocekileyo; koko kunco̔lisekile kwa noluvo lwabo nesazeliso sabo. ₁₆Bayaxela ukuba bayamazi utixo; kodwa emisebenzini yabo bayamkanyela, bengabazondekayo, nabangevayo, nangakuyo yonke imisebenzi elungileyo benokwaliwa.