U‐Zekariya 1

₁NGEYESIBOZO inyanga, ngomnyaka wesibini ka‐Dariyusi, leza ilizwi likayehova ku‐Zekariya, unyana ka‐Berekiya, unyana ka‐Hido, umprofite, lisiti:

₂Wabequmbile uyehova koyihlo benu kakulu. ₃Ngako yiti kubo: Utsho uyehova wemikosi ukuti: Buyelani kum, utsho uyehova wemikosi, ndandiya kubuyela kuni, utsho uyehova wemikosi. ₄Ningabi njengoyihlo benu, abati abaprofite bapambili badanduluka kubo, besiti: Utsho uyehova wemikosi ukuti: Guqukani ke kuyo imikwa yenu ekohlakeleyo, nakuzo izenzo zenu ezikohlakeleyo; kanti abevanga, abapulapulanga kum kanjalo, utsho uyehova. ₅Oyihlo benu, bapina bona? nabaprofite, bahlala kude kube ngunapakade na? ₆Kodwa amazwi am, nemimiso yam, endayalela izicaka zam abaprofite ngayo, ayafumana oyihlo benu na? baza baguquka, bati: Njengokuba uyehova wemikosi wacinga ukwenza kuti, njengemikwa yetu, nanjengezenzo zetu, wenje njalo kuti.

₇NGOWAMASHUMI mabini anesine umhla wenyanga yeshumi elinesinye, eyinyanga yo‐Shebate, ngowesibini umnyaka ka‐Dariyusi, leza ilizwi likayehova ku‐Zekariya, unyana ka‐Berekiya, unyana ka‐Hido, umprofite, lisiti:

₈Ndabona ngobusuku, kekaloku nantsiya indoda ikwele ehasheni elibomvu, eyema pakati kwemiti yemutele etunzini, nasemva kwayo amahashe abomvu, nagwangqa, namhlope. ₉Ndaza ndati: Ayinto nina la, nkosi yam? Yayisiti kum ingelosi eyateta nam: Ndokubonisa into ayiyo la. ₁₀Yapendula indoda eyema pakati kwemiti yemutele, yati: La ngabo abatumileyo uyehova ukuhambahamba emhlabeni. ₁₁Bapendula kuyo ingelosi kayehova eyema pakati kwemiti yemutele, bati: Sihambahambile emhlabeni: bona ke, umhlaba wonke uhleli, unokupumla.

₁₂Yandula ingelosi kayehova yapendula yati: Yehova wemikosi! kwoba kade kangakananina ungabi nataṙu pezu kwe‐Yerusaleme, napezu kwezixeko zakwa‐Juda, oziqumbeleyo leminyaka imashumi asixe̔nxe? ₁₃Waza uyehova wapendula ingelosi eyateta nam ngamazwi amnandi, ngamazwi atutuzelayo. ₁₄Yaza ingelosi eyateta nam yati kum: Danduluka, usiti:

Utsho uyehova wemikosi ukuti: Ndinobukwele pezu kwe‐Yerusaleme, napezu kwe‐Ziyone, ngobukwele obukulu. ₁₅Kanjalo ndiqumbile ngokuqumba okukulu ngakuzo izizwe ezisekwonwabeni: ngokuba bendiqumbile kancinane kodwa, kanti zona zincedele ububi. ₁₆Ngako oko, utsho uyehova ukuti: Ndibuyele e‐Yerusaleme ngezibele: indlu yam iya kwakiwa kuyo, utsho uyehova wemikosi, nentambo iya kwolulwa pezu kwe‐Yerusaleme. ₁₇Buya ndanduluke, usiti: Utsho uyehova wemikosi ukuti: Izixeko zam zisaza kupupuma ngobutamsanqa; ngokuba uyehova esaza kututuzela i‐Ziyone, esaza kuqasha i‐Yerusaleme.

₁₈NDAZA ndapakamisa amehlo am, ndakangela, kekaloku nanziya impondo zine. ₁₉Ndandisiti kuyo ingelosi eyateta nam: Ziyinto nina ezi? Yati ukundipendula: Ezi zimpondo ezici̔tileyo o‐Juda, no‐Sirayeli, ne‐Yerusaleme. ₂₀Waza uyehova wandibonisa incibi zane. ₂₁Ndandisiti: Ezi ziyeza ukwenza nto nina? Wayesitsho ukuti: Ezi zimpondo ezici̔tileyo o‐Juda, kwada akwabiko mntu owapakamisa intloko yake; kodwa ezi zize ukuzoyikisa, ukuwisa impondo zezizwe, ezapakamisa upondo ngakulo ilizwe lakwa‐Juda ukuba zilicite.