UYOSHUWA 15

₁Ke kaloku iqashiso lesizwe soonyana bakaYuda, ngokwemizalwane yabo, lasinga emdeni wakwaEdom, entlango yeTsin ngasezantsi, ekupheleni komzantsi. ₂Umda wabo wasezantsi wathabathela ekupheleni koLwandle lweTyuwa, encamini ebheka ezantsi. ₃Waphuma, wasinga ngezantsi ekunyukeni kweAkrabhim, wegqitha waya eTsin, wenyuka waya ngasezantsi kweKadeshebharneha, wegqitha waya eHetseron, wenyuka waya eAdare, wajika waya eKarka; ₄wegqitha waya eAtsemon, wema ngomlanjana waseYiputa, ukuma komda wema ngolwandle. Nguwo lowo umda wenu wangasezantsi. ₅Umda wasempumalanga luLwandle lweTyuwa, use ekupheleni kweYordan. Umda wecala langasentla wathabathela encamini yolwandle, ekupheleni kweYordan; ₆wenyuka umda waya eBhete-hogela, wegqitha waya emantla eBhete-arabha, wajika umda waya etyeni likaBhohan unyana kaRubhen. ₇Wenyuka umda waya eDebhiri, uvela entilini yeAkore, wabheka entla eGiligali, malunga nokunyuka kweAdumin ngasezantsi komlanjana; wegqitha apho waya emanzini ase-En-shemeshe, ukuma kwawo wema nge-En-rogele. ₈Wenyuka umda ngomfula woonyana bakaHinom, waya egxalabeni lowamaYebhusi ngasezantsi: yiYerusalem ke leyo; wenyuka umda waya encotsheni yentaba ephambi komfula wakwaHinom, ngasentshonalanga, osekupheleni kwentili yamaRafa ngasentla. ₉Wahlaba umda, wathabathela encotsheni yentaba, waya emthonjeni wamanzi aseNefetowa, waphuma waya emizini yasentabeni kaEfron, wahlaba waya eBhahala: yiKiriyati-yeharim ke leyo. ₁₀Wajika umda eBhahala ngasentshonalanga, waya entabeni yakwaSehire, wegqitha waya egxalabeni leHar-yeharim ngasentla: yiKesalon ke leyo; wehla waya eBheteshemeshe, wegqitha waya eTimna. ₁₁Waphuma umda waya egxalabeni le-Ekron ngasentla, wahlaba umda waya eShikron, wegqitha waya entabeni yeBhahala, wema ngeYabheneli umda waya wema ngolwandle. ₁₂Umda wasentshonalanga lulwandle olukhulu nommandla walo. Nguwo lowo umda woonyana bakaYuda ngeenxa zonke, ngokwemizalwane yabo.

₁₃UKalebhi unyana kaYefune wamnika isabelo phakathi koonyana bakaYuda, ngokutsho kukaYehova kuYoshuwa: umzi ka-Arbha uyise ka-Anaki ngowaseHebron ke lowo, ₁₄Wabagqogqa apho uKalebhi oonyana bobathathu baka-Anaki, uSheshayi noAhiman noTalemayi, inzalo ka-Anaki. ₁₅Wenyuka khona waya kubemi baseDebhiri; igama leDebhiri laliyiKiriyati-sefere ngenxa engaphambili. ₁₆Wathi uKalebhi, Othe wayibulala iKiriyati-sefere, wayithimba, ndomnika intombi yam, uAkesa, ibe ngumkakhe. ₁₇Wayithimba uOteniyeli unyana kaKenazi, umzalwana kaKalebhi; wamnika ke intombi yakhe, uAkesa, yangumkakhe. ₁₈Kwathi ekuzeni kwayo, yamvuselela ukuba acele umhlaba kuyise wayo; yehla e-esileni layo. Wathi uKalebhi kuyo, Yintoni na? ₁₉Yathi, Ndinike into, ngokuba undiniké umhlaba ongenamanzi; ndinike nemithombo yamanzi. Wayinika ke imithombo yasentla, nemithombo yasezantsi.

₂₀Lilo elo ilifa lesizwe soonyana bakaYuda ngokwemizalwane yabo.

₂₁Imizi ethabathele ekupheleni kwesizwe soonyana bakaYuda, yesa emdeni wakwaEdom ezantsi, yabe iyiKabhetseli, ne-Edere, neYagure, ₂₂neKina, neDimona, neAdada, ₂₃neKedeshe, neHatsore, neItenan, ₂₄iZifi, neTelem, neBhehaloti, ₂₅neHatsore-hadata, neKeriyoti-hetseron (yiHatsore ke leyo); ₂₆iAmam, neShema, neMolada, ₂₇neHatsare-gada, neHeshmon, neBhete-palete, ₂₈neHatsrae-shuwale, neBher-shebha, neBhiziyoteya; ₂₉iBhahala, neIyim, ne-Etsem, ₃₀ne-Elitoladi, neKezili, neHorma, ₃₁neTsikelage, neMademana, neSanesana, ₃₂neLebhawoti, neShilehim, neAyin, neRimon: yonke loo mizi imashumi mabini anesithoba nemizana yayo.

₃₃Esihlanjeni: yiEshtawoli, neTsora, ₃₄neAshna, neZanowa, ne-En-ganim, iTapuwa, ₃₅ne-Enam; iYarmuti, neAdulam, ₃₆iSoko, neAzeka, neShaharim, neAditayim, neGedera, neGederotayim: imizi elishumi elinaminé inemizana yayo.

₃₇ITsenan, neHadasha, neMigedali yakwaGadi, ₃₈neDilan, neMizpa, neYoketeli; ₃₉iLakishe, neBhotsekati, ne-Eglon, ₄₀neKabhon, neLamasi, neKitilishe, ₄₁neGederoti, iBhete-dagon, neNahama, neMakeda: imizi elishumi elinamithandathu inemizana yayo.

₄₂ILibhena, ne-Etere neAshan, ₄₃neIfeta, neAshna, neNetsibhi, ₄₄neKehila, neAkezibhi, neMaresha: imizi esithoba inemizana yayo.

₄₅IEkron, namagxamesi ayo, nemizana yayo; ₄₆kwathabathela e-Ekron ngasentshonalanga, yonke esecaleni leAshdode, nemizana yayo.

₄₇IAshdode, namagxamesi ayo, nemizana yayo; iGaza namagxamesi ayo, nemizana yayo, kwesa kumlanjana weYiputa, nolwandle olukhulu, nommandla walo.

₄₈Esezintabeni: yiShamire, neYatire, neSoko, ₄₉neDana, neKiriyati-sana (yiDebhiri ke leyo); ₅₀neAnabhi, ne-Eshtemo, ₅₁neAnim, neGoshen, neHolon, neGilo: imizi elishumi elinamnye, inemizana yayo.

₅₂IArabhi, neDuma, ne-Eshan, ₅₃neYanim, neBhete-tapuwa, neAfeka, ₅₄neHumta, neKiriyati ka-Arbha (yiHebron ke leyo); neTsihore: imizi esithoba inemizana yayo.

₅₅IMahon, iKarmele, neZifi, neYuta, ₅₆neYizereli, neYokedam, neZanowa; ₅₇iKayin, iGibheha, neTimna: imizi elishumi inemizana yayo.

₅₈IHalehule, iBhete-tsure, neGedore, ₅₉neMaharati, neBhete-anoti, ne-Elitekon: imizi emithandathu inemizana yayo.

₆₀IKiriyati-bhahali (yiKiriyati-yeharim ke leyo) neRabha: imizi emibini inemizana yayo.

₆₁Esentlango yiBhete-arabha, iMidin, neSekaka, ₆₂neNibheshan, noMzi weTyuwa, ne-Engedi: imizi emithandathu inemizana yayo.

₆₃Ke amaYebhusi, abengabemi baseYerusalem, ababanga nako ukuwagqogqa oonyana bakaYuda; ahlala amaYebhusi noonyana bakaYuda eYerusalem nanamhla.