IINDUMISO 101

₁Ndiya kuvuma ngenceba nangomgwebo;

Ndiya kukubethela uhadi, Yehova.

₂Ndiya kuqiqa indlela yengqibelelo;

Ùya kuza nini na kum?

Ndiya kuhamba ngengqibelelo yentliziyo yam

Phakathi kwendlu yam.

₃Andiyi kubeka phambi kwamehlo am

Nto inobutshijolo.

Ukwenza ngokunxaxha ndikuthiyile,

Akuyi kunamathela kum.

₄Intliziyo ejibilizayo iya kukhwelela kude kum;

Into embi andiyi kuyazi.

₅Omhlebayo ummelwane wakhe ngasese,

Lowo ndiya kumbhangisa.

Omehlo aqwayingileyo, ontliziyo igungubeleyo,

Lowo andinakumthwala.

₆Amehlo am akwabanyanisayo ezweni,

Ukuba bandiphahle;

Ohamba ngendlela yengqibelelo,

Lowo makandilungiselele.

₇Akayi kuhlala phakathi kwendlu yam

Owenza inkohliso;

Othetha ubuxoki akayi kuqina

Phambi kwamehlo am.

₈Imiso ngemiso, ndiya kubabhangisa

Bonke abangendawo belizwe,

Ukuze ndibanqumle emzini kaYehova

Bonke abasebenzi bobutshinga.