IINDUMISO 111

₁Haleluya!

Ndiya kubulela kuYehova ngentliziyo yonke,

Elucweyweni lwabathe tye nasebandleni.

₂Zikhulu izenzo zikaYehova,

Zezokungxokwa iintsingiselo zazo zonke.

₃Únendili nobungangamela umsebenzi wakhe,

Ubulungisa bakhe bumi ngonaphakade.

₄Uyenzele ukuze ikhunjulwe imisebenzi yakhe ebalulekileyo;

Unobabalo nemfesane uYehova.

₅Ubaphé ukudla abamoyikayo;

Uwukhumbule ngonaphakade umnqophiso wakhe.

₆Ubabonise abantu bakhe amandla ezenzo zakhe,

Ebanika ilifa leentlanga.

₇Izenzo zezandla zakhe ziyinyaniso nesiko;

Zithembekile zonke iziyalezo zakhe.

₈Zizimasekile nanini nangonaphakade;

Zenziwe ngenyaniso, zithe tye.

₉Ùbathumele abantu bakhe inkululeko;

Uwumisele ngonaphakade umnqophiso wakhe;

Lingcwele, liyoyikeka, igama lakhe.

₁₀Ingqalo yobulumko kukoyika uYehova,

Banengqiqo elungileyo bonke abenza ngako;

Indumiso yakhe ihlala imi.