IINDUMISO 12

₁Sindisa, Yehova, ngokuba úphelile owenceba,

Ngokuba bathe shwaka abanyanisileyo koonyana babantu.

₂Bathetha inkohlakalo omnye nomnye;

Bathetha ngomlomo ogudileyo, nangentliziyo embaxa.

₃Ngamana uYehova angáyinqumla yonke imilebe yomlomo ogudileyo,

Ulwimi oluthetha izinto ezinkulu;

₄Ábathe, Ulwimi lwethu siyalupheza;

Imilomo yethu yeyethu; ngubani na oyinkosi kuthi?

₅Ngenxa yokubhuqwa kweentsizana, ngenxa yokuncwina kwamahlwempu,

Ndiya kusuka ndime ngoku, utsho uYehova;

Ndiya kumbeka elusindisweni lowo ululangazelelayo.

₆Amazwi kaYehova ngamazwi acocekileyo,

Yisilivere enyibilikiselwe eziko, yéla emhlabeni,

Ehluzwe kasixhenxe.

₇Wena, Yehova, uya kubagcina,

Ùya kubalondoloza kwesi sizukulwana ngonaphakade.

₈Abangendawo bahambahamba ngeenxa zonke,

Xa kuphakanyiswe abangeni phakathi koonyana babantu.