IINDUMISO 144

₁Makabongwe uYehova, uliwa lam,

Ulofundisa izandla zam ukulwa,

Iminwe yam imfazwe.

₂Unceba yam, umboniselo yam,

Ungxonde yam, umsindisi wam, mna lo;

Ungweletshetshe yam, undizímela ngaye;

Ulonyathelela abantu bam phantsi kwam.

₃Yehova, úyintoni na umntu, le nto umaziyo?

Unyana womfo, le nto umnyamekelayo?

₄Umntu lo ufana nomphunga,

Imihla yakhe injengethunzi elidlulayo.

₅Yehova, thoba amazulu akho, uhle;

Phatha ezintabeni, ziqhume.

₆Banekisa imibane, uziphangalalise;

Thuma iintolo zakho, uziduba-dube.

₇Thuma izandla zakho, zivele phezulu;

Ndírhole, ndíhlangule emanzini amakhulu,

Esandleni soonyana bolunye uhlanga;

₈Abamlomo uthetha inkohlakalo,

Abasandla sokunene sisesokunene sobuxoki.

₉Thixo, ndokuvumela ingoma entsha,

Ndikubethele umrhubhe ontambo zilishumi;

₁₀Ulonika ookumkani usindiso,

Ulohlangula uDavide umkhonzi wakhe ekreleni elinobubi.

₁₁Ndírhole, ndíhlangule esandleni soonyana bolunye uhlanga,

Abamlomo uthetha inkohlakalo,

Abasandla sokunene sisesokunene sobuxoki;

₁₂Baze oonyana bethu babe njengezityalo ezikhulileyo ebutsheni babo;

Iintomni zethu zibe njengeembombo ezivathisiweyo ngeemfakamfele ngokokwakhiwa kwebhotwe;

₁₃Oovimba bethu bazale, bavelise iintlobo ngeentlobo;

Iigusha zethu zizale amawaka, zande ngezigidi emaphandleni ethu;

₁₄Iinkomo zethu zizale,

Kungabikho kungenelwa, kungabikho kuthinjwa,

Kungabikho kuhlahlamba ezitratweni zethu.

₁₅Hayi, uyolo lwabantu ekunjalo kubo!

Hayi, uyolo lwabantu abaThixo unguYehova!