IINDUMISO 20

₁Ngamana wakuphendula uYehova ngemini yembandezelo,

Ngamana lakúsa engxondeni igama likaThixo kaYakobi!

₂Wakúthumela uncedo lwasengcweleni,

Wakúxhasa eseZiyon!

₃Wayikhumbula yonke iminikelo yakho yokudla,

Wawafumana etyebile amadini akho anyukayo! (Phakamisani.)

₄Wakunika ngokwentliziyo yakho,

Walizalisa lonke icebo lakho!

₅Singámemelela ngosindiso lwakho,

Siphakamìse iibhanile zethu egameni loThixo wethu;

Azizalise uYehova zonke izicelo zakho.

₆Ndiyazi ngoku ukuba uYehova ngumsindisi womthanjiswa wakhe;

Úya kumphendula emazulwini akhe angcwele

Ngobugorha obusindisayo besandla sakhe sokunene.

₇Abanye bakhankanya iinqwelo zokulwa, abanye bakhankanye amahashe,

Ke thina sikhankanya igama likaYehova uThixo wethu.

₈Bòna baguqile bawa;

Thina siphakamile sema.

₉Yehova, sindisa;

Ukumkani asiphendule ngemini yokubiza kwethu.