IINDUMISO 52

₁Uqhayiselani na ngobubi, wena gorha?

Inceba kaThixo ikho imihla yonke.

₂Ulwimi lwakho lucinga ukweyelisela,

Njengesitshetshe sokuguya iindevu esiloliweyo, wena mkhohlisi.

₃Ùthanda okubi kunokulungileyo;

Ùbuxoki, kunokuthetha ubulungisa. (Phakamisani.)

₄Ùthanda onke amazwi aginyayo,

Lulwimindini lukhohlisayo.

₅Naye uThixo uya kukudiliza kuphele;

Úya kukuxwila, akuncothule ententeni,

Akudonyule ezweni labaphilileyo. (Phakamisani.)

₆Obona amalungisa, oyike,

Amhleke, athi,

₇Nanko umfo ongamenzanga igwiba lakhe uThixo,

Owakholosa ngobuninzi bobutyebi bakhe,

Waba nengcwangu ekweyeliseleni kwakhe.

₈Ke mna ndinjengomnquma oluhlaza endlwini kaThixo;

Ndikholose ngenceba kaThixo ngonaphakade kanaphakade.

₉Ndiya kubulela kuwe ngonaphakade, kuba ukwenzile oku;

Ndiya kuthemba igama lakho, ngokuba lilungile, phambi kwabenceba bakho.