IINDUMISO 89

₁Iinceba zikaYehova ndiya kuvuma ngazo ngonaphakade,

Kwizizukulwana ngezizukulwana ndiya kwazisa ukuthembeka kwakho ngomlomo wam.

₂Ngokuba ndithi, Yakheka ngonaphakade inceba;

Amazulu, úya kukuzinzisa kuwo ukuthembeka kwakho.

₃Wathi, Ndenzé umnqophiso nomnyulwa wam,

Ndifungile kuDavide umkhonzi wam:

₄Ndiya kuyizimasa ngonaphakade imbewu yakho,

Ndiyakhe itrone yakho kwisizukulwana ngesizukulwana. (Phakamisani.)

₅Amazulu abulela imisebenzi yakho ebalulekileyo, Yehova,

Nokuthembeka kwakho ebandleni labangcwele.

₆Ngokuba ngubani na esibhakabhakeni olingana noYehova?

Ngubani na ofana noYehova phakathi koonyana bakaThixo.

₇UThixo ongowokungcangcazelelwa ebhungeni elikhulu labangcwele,

Ongofanelwe kukoyikwa ngaphezu kwabo bonke abamngqongileyo?

₈Yehova, Thixo wemikhosi,

Ngubani na onjengawe, oluqilima, Yehova?

Ukuthembeka kwakho kukungqongile.

₉Nguwena mlawuli wekratshi lolwandle;

Ekuphakameni kwamaza alo uyawadambisa.

₁₀Nguwena mtyumzi kaRahabhi njengongxwelerhiweyo,

Wazithi saa iintshaba zakho ngengalo yakho eqinileyo.

₁₁Lelakho izulu, likwalelakho ihlabathi;

Elimiweyo nenzaliseko yalo lasekwa nguwe.

₁₂Umntla nomzantsi wadalwa nguwe;

ITabhore neHermon zimemelela ngegama lakho.

₁₃Yeyakho ingalo enobugorha;

Síthe nkqi isandla sakho, siphakamile esokunene sakho.

₁₄Ummiso wetrone yakho bubulungisa nokusesikweni;

Inceba nenyaniso ilungiselela phambi kwakho.

₁₅Hayi, uyolo lwabantu abakwaziyo ukuduma!

Baya kuhamba ekukhanyeni kobuso bakho, Yehova.

₁₆Baya kugcoba egameni lakho imini yonke,

Baphakame ngobulungisa bakho.

₁₇Ngokuba isihombo samandla abo nguwe;

Ekuthandeni kwakho, uphondo lwethu luphakamile.

₁₈Ngokuba ikuYehova ingweletshetshe yethu,

UkoyiNgcwele kaSirayeli ukumkani wethu.

₁₉Wakha wathetha ngombono kowenceba wakho, wathi,

Ndibeké uncedo egorheni,

Ndiphakamisé indodana ebantwini.

₂₀Ndifumene uDavide umkhonzi wam;

Ndimthambisile ngeoli yam engcwele,

₂₁Esiya kuqinisela kuye isandla sam,

Nengalo yam imkhaliphise.

₂₂Utshaba aluyi kumqubula;

Nonyana wobugqwetha akayi kumcinezela.

₂₃Ndiya kubaqoba phambi kwakhe ababandezeli bakhe,

Ndibaxabele abamthiyayo.

₂₄Inyaniso yam nenceba yam inaye;

Luya kuphakama uphondo lwakhe egameni lam.

₂₅Ndiya kusisa elwandle isandla sakhe,

EMilanjeni• esokunene sakhe.

₂₆Yena ukundibiza wothi, ÙnguBawo,

UnguThixo wam, neliwa lokundisindisa.

₂₇Kananjalo mna ndiya kumenza owamazibulo,

Osenyangweni kookumkani behlabathi.

₂₈Ndiya kumgcinela inceba yam ngonaphakade,

Umnqophiso wam unyanise kuye;

₂₉Ndiyìmise ngonaphakade imbewu yakhe,

Netrone yakhe ibe njengemihla yamazulu.

₃₀Ukuba bathe oonyana bakhe bawulahla umyalelo wam,

Àbahamba ngamasiko am;

₃₁Ukuba bathe bayihlambela imimiselo yam,

Àbayigcina imithetho yam:

₃₂Ndoluvelela ukreqo lwabo ngentonga,

Nobugwenxa babo ngemivumbo.

₃₃Ke yona inceba yam andiyi kuyaphula kuye,

Ndingaxoki ekuthembekeni kwam.

₃₄Andiyi kuwuhlambela umnqophiso wam,

Ndiyijike into ephume emlonyeni wam.

₃₅Ndibufungé kwakanye ubungcwele bam, ndathi,

Inene, andiyi kumxokisa uDavide;

₃₆Imbewu yakhe iya kubakho ngonaphakade,

Netrone yakhe njengelanga phambi kwam.

₃₇Iya kuqiniseka njengenyanga ngonaphakade;

Ingqina lasesibhakabhakeni lithembekile. (Phakamisani.)

₃₈Kwawena ùmhlambile, umcekisile,

Ùmphuphumele ngomsindo umthanjiswa wakho;

₃₉Ùthe nèthe ngumnqophiso womkhonzi wakho;

Ùsidyobhile emhlabeni isithsaba sakhe.

₄₀Ùzityhobozile zonke iintango zakhe,

Ùzenze inxuwa iinqaba zakhe.

₄₁Bayamphanga bonke abadlula ngendlela,

Waba yingcikivo kubamelwane bakhe.

₄₂Ùsiphakamisile isandla sokunene sabambandezelayo,

Ùzivuyisile zonke iintshaba zakhe.

₄₃Wabuyisa nokubuyisa uhlangothi lwekrele lakhe,

Akwammisa emfazweni.

₄₄Ùmsusile enkazimlweni yakhe,

Ùyikhahlele emhlabeni itrone yakhe,

₄₅Ùyinqumle imihla yobutsha bakhe,

Wamthi wambu ngokudana. (Phakamisani.)

₄₆Kunini na, Yehova, uhleli uzisithelisile,

Busitsha njengomlilo ubushushu bakho?

₄₇Khumbula ukunqamka kwam, into okuyiyo!

Ubadaleleni na, baba yinto engento bonke oonyana babantu?

₄₈Yiyiphi na indoda ehleliyo, engayi kukubona ukufa,

Enokuwusindisa umphefumlo wayo esandleni selabafileyo? (Phakamisani.)

₄₉Ziphi na iinceba zakho zangaphambili, Nkosi yam,

Owamfungela zona uDavide ngokuthembeka kwakho?

₅₀Khumbula, Nkosi yam, ukungcikiveka kwabakhonzi bakho;

Ndithwele esifubeni sam zonke izizwe ezininzi,

₅₁Ezingcikivayo, ziziintshaba zakho, Yehova;

Ezingcikiva amanyathela omthanjiswa wakho.

₅₂Makabongwe uYehova ngonaphakade. Amen, amen.