INGOMA YAZO IINGOMA 3

₁Esililini sam ebusuku ndamfuna lowo uthandwa ngumphefumlo wam;

Ndamfuna andamfumana.

₂Ndathi, Ndokha ndivuke, ndijikajike phakathi komzi,

Ezindaweni zembutho nasezitratweni;

Ndiya kumfuna lowo uthandwa ngumphefumlo wam.

Ndamfuna andamfumana.

₃Abalindi abajikajika phakathi komzi bandifumana;

Ndathi kubo, Khe nambona na lowo uthandwa ngumphefumlo wam?

₄Ndithe ndisandula ukudlula kancinane kubo,

Ndamfumana lowo uthandwayo ngumphefumlo wam;

Ndambamba, andamyeka,

Ndada ndamzisa endlwini kama,

Engontsini yowandikhawulayo.

₅Zintombi zaseYerusalem, ndinifungisa

Amabhadikazi namaxhamakazi asendle,

Ukuba ningàluvusi, ukuba ningaluvuseleli uthando,

Lude luthande.

₆Ngubani na lo, unyuka evela entlango njengemiqulu yomsi,

Eqhunyiselwa ngemore• nentlaka emhlophe,

Ithatyathwe emigutyeni yonke yomrhwebi?

₇Yabona, sisingqengqelo sikaSolomon,

Siphahlwe ngamagorha angamashumi amathandathu

Kumagorha akwaSirayeli.

₈Onke aphethe amakrele, afundiswe ukulwa,

Lilelo linekrele ethangéni lalo

Ngenxa yokoyika ebusuku.

₉Ukumkani uSolomon uzenzele ithala

Ngemithi yaseLebhanon.

₁₀Iintsika zalo uzenze ngesilivere,

Isayamo salo ngegolide, umqamelo walo ngento emfusa,

Umphakathi walo ubekelelwe ngothando,

Luvela ezintombini zaseYerusalem.

₁₁Phumani, zintombi zaseZiyon, nimkhangele ukumkani uSolomon,

Enesithsaba, awasinxitywa ngunina ngemini yokuzeka kwakhe,

Nangemini yokuvuya kwentliziyo yakhe.