U-Izaya 31

₁Maye, kulabo abehlela eGibhithe

ukuyocela usizo,

abethembele emahhashini

nasezinqoleni zempi ngoba ziziningi,

nakubagibeli bamahhashi

ngokuba benamandla,

kodwa bengabheki koNgcwele ka-Israyeli,

bengamfuni uSimakade!

₂Naye uhlakaniphile, uletha inhlekelele,

kalibuyiseli emuva izwi lakhe,

kodwa uyomelana nendlu yababi,

nosizo lwabenza okubi.

₃AbaseGibhithe bangabantu,

abasiye uNkulunkulu,

namahhashi abo ayizilwane,

awasiwo umoya.

Lapho uSimakade elula isandla sakhe,

umsizi uyokhubeka,

nosizwayo awe,

babhubhe kanyekanye.

“Njengengonyama ibhodla,

nebhongo lengonyama

ligwavuma phezu kwenyamazane,

aliphazanyiswa wumsindo

wokumemeza kwabelusi abaningi

abasuke bebizwe ukumelana nalo,

futhi alithikanyezwa ngumsindo wabo,

kanjalo uSimakade Wamabandla

uyokwehla ukuba alwe

entabeni iZiyoni nasegqumeni layo.

₅Njengezinyoni ezindiza phezu kwamakhanda,

kanjalo uSimakade Wamabandla

uyolivikela iJerusalema,

uyolivikela, alisindise,

adlule phezu kwalo, alikhulule.”

₈“Abase-Asiriya bayofa ngenkemba,

kungeyona eyomuntu;

inkemba okungesiyona eyomuntu iyobaqothula,

bayothi galo yephuka phambi kwenkemba.

Izinsizwa zakhona ziyoba yizisebenzi ezingakhokhelwa.

₉Idwala lalo liyoshabalala ngenxa yovalo,

izikhulu zakhona ziyoshiya ibhanela,

ngenxa yokudangala,”

kusho uSimakade omlilo wakhe useZiyoni,

nosithando sakhe siseJerusalema.