AMahubo 141

₁Simakade, ngikhala kuwe,

phuthuma uze kimi,

lalela izwi lami

lapho ngikhuleka kuwe.

₂Umkhuleko wami mawufane nempepho

phambi kwakho,

nokuphakanyiswa kwezandla zami,

njengomnikelo wakusihlwa.

₃Simakade, bekela umlomo wami umlindi,

ugcine umnyango wezindebe zami.

₄Ungayiphenduleli inhliziyo yami entweni embi

ukuba ngenze imisebenzi yenkohlakalo

kanye nabantu abenza inkohlakalo,

ngingadli izibiliboco zabo.

₅Olungileyo makangishaye, kungumusa kimi;

angisole, kungamafutha ekhanda;

ikhanda lami malingawenqabi,

ngokuba umkhuleko wami

umelane nobubi babo.

₆Abehluleli babo bayakuphonswa eweni;

bayakuzwa ukuthi amazwi ami amnandi.

₇Njengalokhu umuntu elima,

eklaya umhlabathi,

amathambo ethu ahlakazekile ngasemlonyeni

wendawo yabafileyo.

₈Amehlo ami akuwe Simakade, Nkosi yami,

mina ngiphephela kuwe,

uze ungangishiyi ngingenamvikeli.

₉Ngihlenge ogibeni abangicuphe ngalo,

nasezihibeni zabenza okubi.

₁₀Ababi mabawele emanetheni abo,

mina ngidlule kuwo.