AMahubo 110

₁USimakade wathi eNkosini yami:

“Hlala ngakwesokunene sami,

ngize ngenze izitha zakho

zibe yisenabelo sezinyawo zakho.”

₂USimakade eseZiyoni

uyakuyelula intonga yamandla akho,

Wena busa phakathi kwezitha zakho.

₃Abantu bakho bayokuza kuwe,

behlobe ngemvunulo engcwele,

bayovela njengombethe entathakusa.

₄USimakade akayukuguquka,

ufunge wagomela wathi:

“Wena ungumphrofethi

kuze kube phakade ngokukaMelkhizedeki.”

₅INkosi ingakwesokunene sakho,

iyakuchoboza amakhosi ngosuku lwentukuthelo yayo.

₆Iyakwehlulela phakathi kwabezizwe,

kugcwale izidumbu,

ichoboze amakhanda ezizweni eziningi.

₇Iyakuphuza emfuleni ngasendleleni,

ngalokho-ke iyakunqoba.