AMahubo 6

₁Simakade, ungangithethisi ngentukuthelo yakho,

ungangishayi ngolaka lwakho.

₂Yiba nesihawu kimi, Simakade,

ngokuba anginamandla;

ngiphilise, Simakade,

ngokuba amathambo ami ayankenketha.

₃Umphefumulo wami uyesaba kakhulu,

kepha Wena, Simakade,

kuyoze kube nini na?

₄Buya, Simakade,

ukhulule impilo yami,

ngisindise ngenxa yesihe

sothando lwakho.

₅Akukho ukukhumbula

Wena kwelabafileyo;

ngubani oyakukubonga

endaweni yabafileyo na?

₆Ngikhathele ngenxa yokububula kwami.

Ngimantisa umbhede wami njalo ebusuku,

ngincibilikisa ukhukho lwami

ngezinyembezi zami.

₇Iso lami liyafiphala,

ngenxa yokudabuka;

selibuthakathaka,

ngenxa yezitha zami.

₈Sukani kimi nina nonke

enenza okubi,

ngokuba uSimakade ulizwile izwi

lokukhala kwami.

₉USimakade ukuzwile ukunxusa kwami,

uSimakade uyakuwamukela umkhuleko wami.

₁₀Zonke izitha zami ziyoba namahloni,

ziphoxeke ngokwedlulele;

ziyakubuyela emuva

ngokuphazima kweso, zijabhile.