USirakhi 42

₁Ungabi namahloni ngalokhu okulandelayo futhi ungoni ngoba uzama ukuhlenga igama lakho: ₂Ungabi namahloni ngomthetho woPhezukonke nangesivumelwano sakhe, nangokukhipha isahlulelo ukukhulula ongalungile; ₃ukugcina ubudlelwano nomngane wakho nalowo ohambisana naye, futhi nokwahlukaniselana ifa nomngani; ₄ukugcina isikali-sisindo nezisindo zishaya khona kunokuba uzuze okuningi noma okuncane. ₅Ungabi namahloni ukuba uthole inzuze ekusebenzisaneni nabathengisi, nokuba uqinise isandla ekukhuliseni abantwana bakho, nokubhaxabula inceku engalungile ize yophe.

₆Lapho kukhona inkosikazi engalungile, kuhle ukuwuhlaba inhlali; lapho kukhona izandla eziningi, kuhle ukukhiyela zonke izinto. ₇Uma unikeza omunye imali, qiniseka ukuthi ibaliwe nokuthi ikalwe kahle, nalapho upha noma wamukela, kuqophe konke phansi. ₈Ungabi namahloni okuqondisa oyisiwula noma oyisiphukuphuku noma omdala ophethwe ngubufebe. Ngalokho uyokhombisa ukuqeqesheka kwakho okunzulu, futhi uyakwamukelwa yibo bonke.

₉Indodakazi ingukukhathazeka okufihlakele kuyise, lokhu kukhathezeka kumqeda ubuthongo: lapho isencane, ukhathazeka ngokuthi ingahle ingawutholi umendo, kuthi noma isiwutholile, akhathazeke ngokuthi ingahle ingathandwa; ₁₀lapho iseyintombi nto ukhathazeka ngokuthi ingahle iyengwe bese ikhulelwa isesendlini kayise; noma isinomyeni ukhathazeka ngokuthi ingahle iduke, noma isiganile, ingabi nayo inzalo. ₁₁Waqinise amatomu uma ubhekene nendodakazi enekhenda eliqinile, funa ikwenze ube yinhlekisa ezitheni zakho, noma umbinqo emuzini nasemhlanganweni wabantu, futhi ikuthele ngehlazo emhlanganweni. Qaphela ukuba kungabikho fasitela elinesikhala, indlu yakhe ingabhekani necala okuza ngalo abantu emzini wakho.

₁₂Ungayivumeli ibonakalise ngobuhle bayo phambi kwabesilisa, noma ichithe isikhathi sayo inabesifazane asebendile, ₁₃ngokuba inundu ivela ezingutsheni, kanti futhi kowesifazane kuvela ukonakala kwabesifazane. ₁₄Bungcono ububi bowesilisa kunowesifazane owenza okuhle; ukuphoxeka nehlazo kweza ngabesifazane.

₁₅Sengizakucabanga ngemisebenzi yoPhezukonke, futhi ngimemezele ngengikubonile. Yonke imisebenzi yeNkosi imiswa ngezwi layo; futhi zonke izidalwa zayo zenza okwentando yayo. ₁₆Ilanga likubuka konke ngemisebe yalo, nomsebenzi weNkosi ugcwele inkazimulo. ₁₇INkosi uSomandla ayibanikile ngisho abangcwele bayo ukuba babale imisebenzi yayo emangalisayo, eyimisile ukuze umhlaba ume usekelwe enkazimulweni yayo. ₁₈Ifunisisa phansi ozweni nasenhliziyweni yomuntu; iqonda izimfihlo zezinhliziyo. Ngokuba iNkosi uSimakade iqonda konke okumelwe kwaziwe, ibona kwasemaphakadeni izinto ezizokwenzeka. ₁₉Yembula okwenzekile nokusazokwenzeka, futhi yembule ngisho imizila yokufihlakele. ₂₀Akukho mcabango ofihlakele kuyo, akukho okufihlakele kuyo. ₂₁ibuhlelile bama ngononina bonke ubuhle bokuhlakanipha kwayo; kusukela kwaphakade kayiguquki. Akukho okungengezwa noma kususwe kuyo, ayidingi muntu abe ngumeluleki wayo. ₂₂Maye iyalangazeleleka yonke imisebenzi yakho, futhi icwazumula kangakanani uma umuntu eyibheka ngamehlo.

₂₃Zonke lezi zinto ziyaphila, zimi kuze kube phakade; izidalwa zonke zigcinelwe ukufeza izidingo ezithile. ₂₄Zonke izinto ziza ngombanqwana, enye kayifani nenye, futhi akukho iNkosi ekwenze ayakufeza. ₂₅Yileyo naleyo iphelelisa ubuhle benye. Ngubani ongakhathala ukubuka inkazimulo yayo na?