UNUMERI 26

₁Kwathi emva kwalesosifo uJehova wakhuluma kuMose nakuEleyazare indodana ka-Aroni umpristi, wathi:

₂Balani umumo wenhlangano yonke yabantwana bakwaIsrayeli kusukela kwabaneminyaka engamashumi amabili kuya phezulu, ngezindlu zawoyise, bonke abakwaIsrayeli abangaphuma impi.

₃OMose noEleyazare umpristi bakhuluma nabo emathafeni akwaMowabi ngaseJordani ngaseJeriko, bathi:

₄Yebo, bona abaneminyaka engamashumi amabili kuya phezulu, njengalokho uJehova eyalile uMose nabantwana bakwaIsrayeli abaphuma ezweni laseGibithe.

₅URubeni, izibulo likaIsrayeli: amadodana kaRubeni: kwaHanoki: ngumndeni wakwaHanoki; kwaPhalu: ngumndeni wakwaPhalu;

₆kwaHesironi: ngumndeni wakwaHesironi; kwaKarmi: ngumndeni wakwaKarmi.

₇Yileyo eyimindeni yabakwaRubeni; ababalwayo kuyo babeyizinkulungwane ezingamashumi amane nantathu namakhulu ayisikhombisa namashumi amathathu.

₈Amadodana kaPhalu: nguEliyabe.

₉Amadodana kaEliyabe: ngoNemuweli, noDathani, noAbiramu. Laba bangoDathani noAbiramu labo ababizwa yinhlangano ukuba balwe noMose noAroni bekulo iviyo likaKora, lilwa noJehova;

₁₀umhlaba wavula umlomo wawo, wabagwinya kanye noKora ekufeni kwaleloviyo, lapho umlilo waqeda amadoda angamakhulu amabili namashumi ayisihlanu, aba-yisixwayiso.

₁₁Kepha amadodana kaKora awafanga.

₁₂Amadodana kaSimeyoni ngemindeni yawo: kwaNemuweli: ngumndeni wakwaNemuweli; kwaJamini: ngumndeni wakwaJamini; kwaJakini: ngumndeni wakwaJakini;

₁₃kwaZera: ngumndeni wakwaZera; kwaShawule: ngumndeni wakwaShawule.

₁₄Yileyo eyimindeni yabakwaSimeyoni, izinkulungwane ezingamashumi amabili nambili namakhulu amabili.

₁₅Amadodana kaGadi ngemindeni yawo: kwaSefoni: ngumndeni wakwaSefoni; kwaHagi: ngumndeni wakwaHagi; kwaShuni: ngumndeni wakwaShuni;

₁₆kwaOzini: ngumndeni wakwaOzini; kwaEri: ngumndeni wakwaEri;

₁₇kwa-Arodi: ngumndeni wakwa-Arodi; kwa-Areli: ngumndeni wakwa-Areli.

₁₈Yileyo eyimindeni yamadodana kaGadi ngokwababalwayo kubo, izinkulungwane ezingamashumi amane namakhulu ayisihlanu.

₁₉Amadodana kaJuda: ngoEri no-Onani; oEri no-Onani bafela ezweni laseKhanani.

₂₀Amadodana kaJuda ngemindeni yawo: kwaShela: ngumndeni wakwaShela; kwaPheresi: ngumndeni wakwaPheresi; kwaZera: ngumndeni wakwaZera.

₂₁Amadodana kaPheresi: kwaHesironi: ngumndeni wakwaHesironi; kwaHamule: ngumndeni wakwaHamule.

₂₂Yileyo eyimindeni kaJuda ngokwababalwayo kubo, izinkulungwane ezingamashumi ayisikhombisa nesithupha namakhulu ayisihlanu.

₂₃Amadodana kaIsakare ngemindeni yawo: kwaThola: ngumndeni wakwaThola; kwaPhuva: ngumndeni wakwaPhuva;

₂₄kwaJashubi: ngumndeni wakwaJashubi; kwaShimroni: ngumndeni wakwaShimroni.

₂₅Yileyo eyimindeni kaIsakare ngokwababalwayo kubo, izinkulungwane ezingamashumi ayisithupha nane namakhulu amathathu.

₂₆Amadodana kaZebuloni ngemindeni yawo: kwaSeredi: ngumndeni wakwaSeredi; kwaEloni: ngumndeni wakwaEloni; kwaJaleli: ngumndeni wakwaJaleli.

₂₇Yileyo eyimindeni yabakwaZebuloni ngokwababalwayo kubo, izinkulungwane ezingamashumi ayisithupha namakhulu ayisihlanu.

₂₈Amadodana kaJosefa ngemindeni yawo: ngoManase noEfrayimi.

₂₉Amadodana kaManase: kwaMakiri: ngumndeni wakwaMakiri; uMakiri wazala uGileyadi; kwaGileyadi: ngumndeni wakwaGileyadi.

₃₀Lawa angamadodana kaGileyadi: kwaIyezeri: ngumndeni wakwaIyezeri; kwaHeleki: ngumndeni wakwaHeleki;

₃₁kwa-Asiriyeli: ngumndeni wakwa-Asiriyeli; kwaShekemi: ngumndeni wakwaShekemi;

₃₂kwaShemida: ngumndeni wakwaShemida; kwaHeferi: ngumndeni wakwaHeferi.

₃₃USelofehadi indodana kaHeferi wayengenamadodana enamadodakazi odwa; amagama amadodakazi kaSelofehadi ayengoMahela, noNowa, noHogila, noMilka, noTirisa.

₃₄Yileyo eyimindeni kaManase; ababalwayo kubo babeyizinkulungwane ezingamashumi ayisihlanu nambili namakhulu ayisikhombisa.

₃₅Lawa angamadodana kaEfrayimi ngemindeni yawo: kwaShuthela: ngumndeni wakwaShuthela; kwaBekeri: ngumndeni wakwaBekeri; kwaThahani: ngumndeni wakwaThahani.

₃₆Lawa angamadodana kaShuthela: kwaEranu: ngumndeni wakwaEranu.

₃₇Yileyo eyimindeni yamadodana kaEfrayimi ngokwababalwayo kubo, izinkulungwane ezingamashumi amathathu nambili namakhulu ayisihlanu. Lawo angamadodana kaJosefa ngemindeni yawo.

₃₈Amadodana kaBenjamini ngemindeni yawo: kwaBela: ngumndeni wakwaBela; kwa-Ashibeli: ngumndeni wakwa-Ashibeli; kwa-Ahiramu: ngumndeni wakwa-Ahiramu;

₃₉kwaShefufamu: ngumndeni wakwaShufamu; kwaHufamu: ngumndeni wakwaHufamu.

₄₀Amadodana kaBela ayengoArida noNahamani; kwa-Arida: ngumndeni wakwa-Arida; kwaNahamani: ngumndeni wakwaNahamani.

₄₁Yilawo angamadodana kaBenjamini ngemindeni yawo; ababalwayo kubo babeyizinkulungwane ezingamashumi amane nanhlanu namakhulu ayisithupha.

₄₂Lawa angamadodana kaDani ngemindeni yawo: kwaShuhamu: ngumndeni wakwaShuhamu. Yileyo eyimindeni kaDani ngemindeni yayo.

₄₃Yonke imindeni yabakwaShuhamu ngokwababalwayo kubo yayiyizinkulungwane ezingamashumi ayisithupha nane namakhulu amane.

₄₄Amadodana ka-Asheri ngemindeni yawo: kwaJimna: ngumndeni wakwaJimna; kwaJishiwi: ngumndeni wakwaJishiwi; kwaBeriya: ngumndeni wakwaBeriya.

₄₅Kumadodana kaBeriya: kwaHebere: ngumndeni wakwaHebere; kwaMalikiyeli: ngumndeni wakwaMalikiyeli.

₄₆Igama lendodakazi ka-Asheri lalinguSera.

₄₇Yileyo eyimindeni yamadodana ka-Asheri ngokwababalwayo kubo, izinkulungwane ezingamashumi ayisihlanu nantathu namakhulu amane.

₄₈Amadodana kaNafetali ngemindeni yawo: kwaJaseli: ngumndeni wakwaJaseli; kwaGuni: ngumndeni wakwaGuni;

₄₉kwaJeseri: ngumndeni wakwaJeseri; kwaShilemi: ngumndeni wakwaShilemi.

₅₀Yileyo eyimindeni kaNafetali ngemindeni yayo; ababalwayo kubo babeyizinkulungwane ezingamashumi amane nanhlanu namakhulu amane.

₅₁Yilabo ababalwayo babantwana bakwaIsrayeli, izinkulungwane ezingamakhulu ayisithupha nanye namakhulu ayisikhombisa namashumi amathathu.

₅₂UJehova wakhuluma kuMose, wathi:

₅₃Izwe liyakwahlukaniselwa bona labo, libe-yifa labo njengokomumo wamagama.

₅₄Abaningi uyakubanika ifa elikhulu, abayingcosana uyakubanika ifa elincane, yilowo nalowo anikwe ifa ngokwababalwayo kuye.

₅₅Izwe liyakwahlukaniswa nokho ngenkatho; bayakulidla ifa ngokwamagama ezizwe zawoyise.

₅₆Ngokwenkatho izwe liyakwahlukaniswa phakathi kwabaningi nabayingcosana.

₅₇Nampa ababalwayo bamaLevi ngemindeni yawo: kwaGereshoni: ngumndeni wakwaGereshoni; kwaKohati: ngumndeni wakwaKohati; kwaMerari: ngumndeni wakwaMerari.

₅₈Nansi imindeni yamaLevi: ngumndeni wakwaLibini, nomndeni wakwaHebroni, nomndeni wakwaMaheli, nomndeni wakwaMushi, nomndeni wakwaKora. UKohati wazala uAmramu.

₅₉Igama lomka-Amramu lalinguJokebedi indodakazi kaLevi, owazalelwa uLevi eGibithe; wazalela uAmramu oAroni noMose noMiriyamu udadewabo.

₆₀UAroni wazala oNadabi, noAbihu, noEleyazare, noItamari.

₆₁ONadabi noAbihu bafa, lapho benikela ngomlilo ongafanele phambi kukaJehova.

₆₂Ababalwayo kubo babeyizinkulungwane ezingamashumi amabili nantathu, bonke abesilisa kusukela kwabanenyanga kuya phezulu; ngokuba ababalwanga phakathi kwabantwana bakwaIsrayeli, lokhu abanikwanga ifa phakathi kwabantwana bakwaIsrayeli.

₆₃Yilabo ababalwa nguMose nanguEleyazare umpristi ababala abantwana bakwaIsrayeli emathafeni akwaMowabi ngaseJordani ngaseJeriko.

₆₄Kepha phakathi kwalabo kwakungekho-muntu wababebaliwe nguMose nanguAroni umpristi, ababala abantwana bakwaIsrayeli ehlane laseSinayi.

₆₅Ngokuba uJehova wayeshilo ngabo wathi: Bayakufa nokufa ehlane. Akusalanga-muntu kubo ngaphandle kukaKalebi indodana kaJefune noJoshuwa indodana kaNuni.