KWABASEROMA 15

₁Kepha thina esinamandla sifanele ukuthwala ubuthakathaka babangenamandla, singazithokozisi thina.

₂Yilowo nalowo kithi makathokozise umakhelwane, kube-kuhle, aze akheke,

₃ngokuba noKristu akazithokozisanga yena, kepha kunjengokuba kulotshiwe ukuthi:

₄Ngokuba konke okwalotshwa ngaphambili kwalotshelwa ukufundiswa kwethu, ukuze ngokubekezela nangenduduzo yemibhalo sibe-nethemba.

₅Kepha uNkulunkulu wokubekezela nowenduduzo makaniphe nibe-nokuqonda kunye phakathi kwenu ngokukaKristu Jesu,

₆ukuze nganhliziyonye nidumise ngamlomo munye uNkulunkulu uYise weNkosi yethu uJesu Kristu.

₇Ngalokho yamukelanani, njengalokho noKristu wasamukela, ukuze kudunyiswe uNkulunkulu.

₈Ngokuba ngithi uKristu waba-yisikhonzi sabasokileyo ngenxa yeqiniso likaNkulunkulu, ukuze aqinise izithembiso ezaphiwa okhokho,

₉abezizwe bamdumise uNkulunkulu ngenxa yesihawu sakhe, njengalokho kulotshiwe ukuthi:

₁₀abuye athi:

₁₁nokuthi:

₁₂Futhi uIsaya uthi:

₁₃UNkulunkulu wethemba makanigcwalise ngenjabulo yonke nangokuthula konke ekukholweni, ukuze nivame ethembeni ngamandla kaMoya oNgcwele.

₁₄Kepha nami ngokwami nganelisiwe ngani-bazalwane bami ukuthi nanigcwele ukuva, nigcwalisiwe ngokwazi konke, ninamandla futhi okuyalana.

₁₅Kepha nginilobele kokunye ngesibindi njengonikhumbuzayo futhi ngenxa yomusa engiwuphiwe nguNkulunkulu

₁₆wokuba ngibe-yisikhonzi sikaKristu Jesu kwabezizwe, ngikhonze ivangeli likaNkulunkulu njengompristi, ukuze abezizwe babe-ngumnikelo owamukeleka kahle, ungcwelisiwe ngoMoya oNgcwele.

₁₇Ngalokho nginokuzibonga kuKristu Jesu maqondana nokukaNkulunkulu,

₁₈ngokuba angiyikuba-nasibindi sokukhuluma-lutho ngaphandle kwezinto uKristu azisebenza ngami, kube-ngukulalela kwabezizwe, ngezwi nangesenzo,

₁₉ngamandla ezibonakaliso nezimangaliso, ngamandla kaMoya oNgcwele, njengokuba ngasuka eJerusalema, ngazungeza ngaze ngafika eIliriku, ngishumayela ivangeli likaKristu ngokupheleleyo.

₂₀Kanjalo ngangihlosé ukushumayela ivangeli kungabi-lapho uKristu waziwa khona, ukuze ngingakhi phezu kwesisekelo somunye,

₂₁kodwa njengalokho kulotshiwe ukuthi:

₂₂Ngenxa yalokho ngathiyeka kaningi ukuza kini;

₂₃kepha manje, lokhu ngingasenandawo kulawamazwe, futhi sekuyiminyaka eminingi ngilangazelela ukuza kini,

₂₄ngiyakuza nxa ngiya eSpaniya; ngokuba ngiyethemba ukuthi ekudluleni kwami ngizakunibona, ngikhashwe yinina, nxa ngiya khona, uma sengiké nganeliswa yinina;

₂₅kepha manje ngisaya eJerusalema ngiyokhonza abangcwele.

₂₆Ngokuba kwaba-khule kwabaseMakedoniya nabaseAkhaya ukwenzela abampofu kwabangcwele baseJerusalema umnikelo othile.

₂₇Kwaba-kuhle, ngokuba nembala banecala kubo; ngokuba uma abezizwe behlanganyela nabo ezintweni zabo zokomoya, banecala futhi lokubakhonza ngezokwenyama.

₂₈Ngakho nxa sengikufezile lokho, ngabeka lesosithelo esandleni sabo, ngizakuhamba, ngidlule ngakini, ngiye eSpaniya;

₂₉kepha ngiyazi ukuthi nxa ngifika kini, ngizakuza nokugcwala kwesibusiso sikaKristu.

₃₀Ngiyanincenga, bazalwane, ngenxa yeNkosi yethu uJesu Kristu nangenxa yothando lukaMoya ukuba nilwe kanye nami ekungikhulekeleni kuNkulunkulu,

₃₁ukuze ngihlanguliswe kwabangakholwayo baseJudiya nokuba lokho engikhonza ngakho eJerusalema kwamukeleke kahle kwabangcwele,

₃₂ukuba ngize kini ngokuthokoza, ngentando kaNkulunkulu, ngiphumule kanye nani.

₃₃UNkulunkulu wokuthula makabenani nonke. Amen.