ISAHLUKO 6

₁U KONA ini umuntu kini, e necala komunye, o nesibindi sokumangala kwabangalungile, e nga mangali kwabangcwele na?

₂A nazi ini ukuti, abancwele ba ya kwahlula izwe? Kepa uma izwe li ya kwahlulwa inina, a ni fanele ini ukunquma amacala amancinyane na?

₃A nazi ini ukuti, si ya kwahlula izingelosi? Kakulu okwa lokukupila!

₄Njalo uma ni namacala a lokukupila, ni ya misa abadelelwayo bebandhla ukuwateta na?

₅Ngi tyo loku ni ze ni be namahloni. Ku njalo ini? a ku ko namunye kini ohlakanipileyo, o nga nquma amacala pakati kwabazalwane bake na?

₆Kodwa umzalwane u mangalela umzalwane, enza loku na kwabangakolwayo na?

₇Nempela li kona icala kini, ngokuba ni mangalela na. Ini ni nga vumi noniwe na? ini ni nga vumi namukwe na?

₈Kepa ni yona, ni yamuka, yebo ni yamuka nabazalwane.

₉A nazi ini ukuti, abangalungile a ba yi kulidhla ifa lombuso kaTixo? Ni nga kohliswa; izihlobongi, nababonga otixo, nezipingi, nezifebe, nabesilisa aba hlobonga nabesilisa,

₁₀Namasela, nabafisayo, nezidakwa, nabanenhlamba, nabapangayo, a ba yi kulidhla ifa lombuso ka Tixo.

₁₁Ba be njalo abanye ba kini; kodwa se ni hlanziwe nina se ni hlanjululiwe, ni tetelelwe ngegama leNkosi uJesu, na ngoMoya ka Tixo wetu.

₁₂Konke ku ya vumeka kimi, kepa a ku ngi fanele konke; konke ku ya vumeka kimi, kepa a ngi yi kwahlulwa luto.

₁₃Ukudhla ku ngokwesisu, nesisu si ngesokudhla, kepa uTixo u ya kuqeda kokubili. Kodwa umzimba a siwo owokuhlobonga, u ngoweNkosi; neNkosi i ngeyomzimba.

₁₄Kepa uTixo wa i vusa iNkosi, u ya kusivusa nati ngamandhla ake.

₁₅A nazi ini ukuti, imizimba yenu i ngamalungu ka Kristu na? Po! ngi nga tabata amalungu ka Kristu, ngi wenze amalungu esifebe na? A ku nga bi njalo.

₁₆A nazi ini ukuti o bambelele esifebeni, u umzimba munye naso; ngokuba u ti yena, Labababili ba ya kuba inyamanye.

₁₇Kepa o bambelele eNkosini, u umoya munye nayo.

₁₈Balekelani ukuhlobonga, zonke izono a zenzayo umuntu, zi ngapandhle komzimba; kepa ohlobongayo wona umzimba wake.

₁₉A nazi ini ukuti, umzimba wenu u itempeli lika Moya o ingcwele o kinina, eni naye e vela kuTixo, a ni sibo abenu?

₂₀Ngokuba ni tengiwe ngentengo; Ngako bongani uTixo ngomzimba wenu, na ngomoya wenu, oku ngokuka Tixo.