ISAHLUKO 10

₁INKOSIKAZI ya seSheba lapo i si zwile udumo luka Solomona ngegama lika Jehova, yeza ukumlinga ngemibuzo elukuni.

₂Yeza eJerusalema nehele elikulu kakulu, amakamelo e twele amaka, negolide eliningi, namatye a nenani; ekutikeni kwayo kuSolomona, ya kuluma naye ngako konke okwa ku senhliziyweni yayo.

₃uSolomona wa pendula imibuzo yonke yake; kwa ku ngeko luto olufihliweyo enkosini, e nga yi casiselanga yona.

₄Inkosikazi ya seSheba i si bonile ukuhlakanipa konke kuka Solomona, nendhlu a be yakile.

₅Nokudhla esitebeni sake, nokuhlala kwezinceku zake, nokuma kwabakonzi bake, nokugqoka kwabo, nabapata izitya zake, nokukupuka kwake ukuya endhlini ka Jehova; kwa pela amandhla ayo.

₆Ya ti enkosini, Za zi qinisile lezozindaba enga zi zwa ezweni lami, ngamazwi ako na ngokuhlakanipa kwako.

₇Kepa, nga ngi nga kolwa ilamazwi, nga ze nga fika, ngi ku bonile ngamehlo ami; bheka, nga ngi nga tyelwa inxenye yako; ukuhlakanipa kwako, nobucebi bako ku ya dhlula udumo enga lu zwayo.

₈Ba busisiwe abantu bako! zi busisiwe nezinceku zako lezi, ezi mi njalo pambi kwako, ezi zwa ukuhlakanipa kwako!

₉Ma ka bongwe uJehova uTixo wako, owa tokoza ngawe, ukuba a ku mise esihlalweni sobukosi sa kwa Israeli; ngokuba uJehova wa ba tanda abaIsraeli na pakade, ngako wa ku misa u be inkosi, nokuteta amacala, nokwenza ukulunga.

₁₀Ya yi nika inkosi amatalenta egolide a ikulu namashumi amabili, nobuningi bamaka, namatye a nenani; A ku za nge ku vela futi ubuningi bamaka njengawo lamaka uSolomona a piwa wona inkosikazi ya seSheba.

₁₁Futi nemikumbi ka Hiramu, eya tuta igolide eli vela eOfire, ya tuta nga kona futi imiti yealmuge eminingi, namatye a nenani.

₁₂Ngemiti yealmuge inkosi yenzela indhlu ka Jehovan endhlu yenkosi izinsika, nezingubu, nezinkoka zabahlabelelayo; a i zanga i fike imiti yealmuge e njena, ka yi bonwanga ku ze ku be namhlanje.

₁₃Inkosi uSolomona wa yi nika inkosikazi ya seSheba konke e ku tandayo, konke e ku celayo, ngapandhle kwako konke e ku piwayo nguSolomona ngemfuyo yake yobukosi, ya buya ya pindela ezweni la kubo, yona kanye nezinceku zayo.

₁₄Isisindo segolide e la fika kuSolomona ngomnyaka munye kwa ku amatalenta egolide a ngamakulu a isitupa, namashumi a isitupa nesitupa,

₁₅Ngapandhle kwa lelo a li tatileyo kubatengi, na kubatengi bamaka, namakosi onke a seArabia, nababusi bezwe.

₁₆Inkosi uSolomona wenza izihlangu za ngamakulu amabili zegolide elikandiweyo; amashekeli a ngamakulu a isitupa kuso isihlangu si sinye.

₁₇Wenza amahau egolide elikandiweyo a ngamakulu amatatu, izilinganiso ezintatu zegolide kulo ihau li linye; inkosi ya wa beka endhlini ya sehlane eLebanoni.

₁₈Futi, inkosi ya senza isihlalo sobukosi ngezimpondo zendhlovu, ya si nameka ngegolide elihle kakulu.

₁₉Isihlalo lesi sa si nezikwelo ezisitupa ngapezulu sa si indilinga ngasemva; ya i kona imikono emacaleni amabili esihlalweni, amabubesi amabili ema nga secaleni lemikono.

₂₀A miswa amabubesi a ishumi nambili, ngalapa na ngalapaya kwezikwelo ezisitupa; kwa ku ngeko okunjalo emibusweni yonke yomhlaba.

₂₁Izitya zonke zokupuza zayo inkosi uSolomona za zi igolide, nezitya zonke zendhlu ya sehlane eLebanoni za zi igolide elihle, za zi ngeko e zesiliva; kwa tiwa isiliva li ize nje emihleni ka Solomona.

₂₂Ngokuba inkosi ya i nemikumbi ya seTarshishe elwandhle nayo imikumbi ka Hiramu; kanye ngeminyaka emitatu yeza imikumbi ya seTarshishe, ya tuta igolide, nesiliva, nezimpondo zendhlovu, nezimfene, nezinyoni zezulu.

₂₃Kanjalo inkosi uSolomona wa wa dhlula amakosi onke omhlaba ngobucebi na ngokuhlakanipa.

₂₄Abantu ezweni lonke beza kuSolomona, ukuzwa ukwazi kwake, uTixo a ku bekileyo enhliziyweni yake.

₂₅Ba leta ku i lowo isipo sake, izitya zesiliva, nezitya zegolide, nezingubo, nezikali, namaka, namahashi, nezinjomane, iminyaka ngeminyaka.

₂₆uSolomona wa buta izinqola, namahashi okukwelwa; wa e nezinqola ezi inkulungwane namakulu amane, nabakweli bamahashi a izinkulungwane ezi ishumi nambili, wa ba beka emizini yezinqola, na senkosini eJerusalema.

₂₇Inkosi yenza isiliva la seJerusalema li be njengamatye nje, namasedare njengemiti yesikamore emfundeni, ngobuningi.

₂₈uSolomona wa e namahashi a vela Egipite, nezintambo zelineni abatengi benkosi ba zi tata izintambo zelineni ngemali e tize.

₂₉Kwa kupuka kwa puma inqola Egipite yamashekeli esiliva a ngamakulu a isitupa, nehashi lamashekeli a ikulu namashumi amahlanu, kwa ku njalo a leta onke amakosi amaHiti, namakosi amaSiria, ngesandhla sawo.