ISAHLUKO 28

₁KWA ti ngalezo 'zinsuku, amaFilisti a buta amabuto awo empini ukulwa nabaIsraeli. uAkishi wa ti kuDavida, yazi impela ukuba u ya kupuma nami impi, wena nabantu bako.

₂uDavida wa ti kuAkishi, Impela u ya ku kwazi oku ngenziwa inceku yako. uAkishi wa ti kuDavida, ngako ngi za ku kwenza u be umlindi wekanda lami njalonjalo.

₃Kepa uSamueli wa e se file, nabaIsraeli bonke ba be m kalela, ba m gqiba eRama emzini wake. uSauli wa e se xotyile amadhlozi nezanusi ezweni.

₄AmaFilisti a butana, e za a ngenisa eSahunemu, noSauli wa buta abaIsraeli bonke, ba ngenisa eGibea.

₅Lapo uSauli e bona isixuku samaFilisti, wesaba, nenhliziyo yake ya tutumela kakulu.

₆uSauli wa buza kuJehova, uJehova a ka m pendulanga nangamapupo, nangeUrimi nangabaprofeti.

₇Wa e se ti uSauli ezincekwini zake ngi funeleni isifazana esi nedhlozi ukuba ngi ye kuye, ngi buze kuye. Izinceku zake za ti ku yena, bheka ku kona owesifazana onedhlozi eEndori.

₈uSauli wa zifihla wa faka ezinye izingubo, wa hamba namadoda amabili, ba fika kowesifazana ebusuku, wa ti, ngi ya kunxusa, ngi tyele ngedhlozi, u ngi vusele e ngi za ku m tyo kuwe.

₉Isifazana sa ti kuye, bheka u yazi okwenziwe uSauli, ukunquma kwake aba namadhlozi nezanusi ezweni, ngako ini ukuba u ngi bekele isihibe, ukuba ngi fe na?

₁₀uSauli wa funga kuye ngoJehova, wa ti, ukupila kuka Jehova, a u yi kufikelwa okubi wena ngalokukwenza.

₁₁Wa ti owesifazana ngi zo kuvusela ubani na? Wa ti, ngi vusele uSamueli,

₁₂Lapo owesifazana wa bona uSamueli, wa kala ngezwi elikulu, nowesifazana wa kuluma kuSauli, e ti, u ngi kohliselani na? ngokuba u nguSauli wena.

₁₃Inkosi ya ti kuye, u ngesabi; kepa u boneni na? Owesifazana wa ti kuSauli, nga bona isitixo si kupuka si puma emhlabatini.

₁₄Wa ti kuye si nesimo sini sona na? Wa ti yena, Ixegu li ya kupuka li mbozwe ngengubo. uSauli wa bona ukuba li uSamueli, wa ti mbo ngobuso emhlabatini, wa zi kotamisa.

₁₅uSamueli wa ti kuSauli, u ngi zamaziselani ukungivusa na? uSauli wa pendula wa ti ngi ya hlupeka kakulu ngokuba amaFilisti a yalwa nami, uTixo u ngi shiyile, a sa ngi penduli ngabaprofeti, nangamapupo, ngako ngi ku bizile ukuze u ngi tyele e ngi za ku kwenza.

₁₆uSamueli wa ti, u buzelani kimi uma uJehova e se ku shiyile e se isita sako na?

₁₇uJehova wa zenzela njengaloku wa kuluma ngami, ngokuba u kwapucile umbuso, wa u nika umakelwane wako uDavida.

₁₈Ngokuba a wu lalelanga izwi lika Jehova, a wenzanga ulaka lwake oluvutayo pezu kuka Amaleki, ngako uJehova u kwenzile loku kuwe namhla.

₁₉Futi uJehova u ya kunikela abaIsraeli kanye nawe esandhleni samaFilisti ngomso u ya kuba nami wena namadodana ako; uJehova u ya kunikela impi yabaIsraeli esandhleni samaFilisti.

₂₀Wa e se wa njalo uSauli emhlabatini, wesaba kakulu ngenxa yamazwi ka Samueli, wa pel'amandhla ngokuba a si dhlanga isinkwa ngalolo 'suku lonke nangabo bonke lobo 'busuku.

₂₁Owesifazana wa fika kuSauli wa bona ukuba, wa hlupeka kakulu, wa ti kuye, bheka, incekukazi yako i li lalele izwi lako, ngi bekile futi ukupila kwami esandhleni sami, nga lalela amazwi ako o wa kulumileyo kimi.

₂₂Manjeke ngi ya kunxusa, lalela wena izwi lencekukazi yako, ngi dedele, ngi beke isinkwana pambi kwako u dhle ukuze u tole amandhla lapo u hamba endhleleni yako.

₂₃Kodwa wala e ti, a ngi yi kudhla. Kodwa izinceku zake kanye nowesifazana ba m cindezela, wa li lalela izwi labo. Wa e se vuka emhlabatini wa hlala pezu kombede.

₂₄Owesifazana wa e netole elinonileyo endhlini, wa tyetya wa li bulala, wa tata impupu wa yi xova wa peka isinkwa esingabilile.

₂₅Wa si leta kuSauli nasezincekwini zake, ba dhla. Ba se be vuka ba hamba ngalobo 'busuku.