ISAHLUKO 17

₁UJEHOSHAFATI indodana yake ya busa endaweni yake, wa ziqinisela ngamandhla kuIsraeli.

₂Wa misa amabuto ake kuyo yonke imizi ebiyiweyo yakwaJuda, wa beka nezinqaba kuyo, nasemizini ya seEfraimi, e ya tatwa nguAsa uyise.

₃uJehova wa e naye uJehoshafati, ngokuba wa hamba ngezindhlela za kuqala zika Davida uyise, e nga m funi uBali;

₄Kodwa e funa uJehova uTixo ka yise, wa hamba ngezimemezelo zake, e nga landeli izenzo za kwa Israeli.

₅Ngako uJehova wa u qinisa umbuso esandhleni sake; nabo bonke aba kwa Juda ba leta izipo kuJehoshafati; wa ba nemfuyo nodumo oluningi.

₆Inhliziyo yake ya pakanyiswa ngezindhlela zika Jehova; wa susa futi izindawo ezi pakamileyo namahlati eJuda.

₇Ngomnyaka wobutatu wokubusa kwake, wa tumela ezinduneni zake, kuBen-haile, na kuObadia, na kuZecharia, nakuNetaneli, nakuMikaia, ukufundisa emizini yakwa Juda.

₈Wa tuma nabo abaLevi, uShemaia, noNethania, noZebadia, noAsaheli, noShemiramote, noJehonatani, noAdonija; kanye nabo, uElishama, noJehoramu, abapristi.

₉Ba fundisa eJuda, be pete incwadi yomteto ka Jehova, ba hamba kuyo yonke imizi yakwa Juda, ba fundisa abantu.

₁₀Nokwesaba uJehova kwa ba pezu kwayo yonke imibuso yezizwe zakwa Juda, a ba lwanga noJehoshafati.

₁₁Abanye abaFilisti ba leta izipo kuJehoshafati, isiliva lokutelisa; naba seArabia ba m letela imihlambi yezimvu, izinqama ezi izinkulungwane ezi isikombisa namakulu a isikombisa, nezimpongo ezi izinkulungwane ezi isikombisa namakulu a isikombisa.

₁₂uJehoshafati wa kula ngamandhla; waka izinqaba eJuda, nemizi yempahla.

₁₃Kwa kula imisebenzi yake emizini yakwa Juda; namadoda okulwa, amaqawe, a e seJerusalema.

₁₄Ile imibalo yabo, ku tatelwa endhlini ya oyise; kwa Juda, izinduna zezinkulungwane, uAdna induna enkulu, ku kona naye amaqawe a izinkulungwane ezi ngamakulu amatatu.

₁₅Wa landelwa uJehohanani induna, ku kona kanye naye izinkulungwane ezi ngamakulu amabili namashumi a isishiyagalombili.

₁₆Yena wa landelwa uAmasia indodana kaZikri, o wa zi nika ngokutanda kuJehova; ku kona kanye naye amaqawe a izinkulungwane ezi ngamakulu amabili.

₁₇Na kuBenjamini; uEliada iqawe nempela, ku kona kanye naye aba hlome ngemicibityolo nezihlangu, izinkulungwane ezi ngamakulu amabili.

₁₈Wa landelwa uJehozabade ku kona kuyena a se be lungele impi aba izinkulungwane ezi ikulu namashumi a isishiyagalombili.

₁₉Laba ba hlala nga senkosini, ngapandhle kwabo labo aba bekwa inkosi emizini ebiyiweyo kulo lonke iJuda.