ISAHLUKO 22

₁ABASEJERUSALEMA ba misa uAhazia indodana yake encane a be inkosi endaweni yake; ngokuba isikwata samadoda e sa fika ekamu kanye naba seArabia ba be bulele bonke abadala abafo. Ngakoke uAhazia indodana ka Jehoramu wa busa.

₂uAhazia wa e neminyaka e ngamashumi amane nambili ekuqaleni kokubusa kwake, wa busa umnyaka munye eJerusalema. Igama lika nina la li nguAtalia indodakazi ka Omri.

₃Naye wa hamba ngezindhlela zendhlu ka Ahabi; ngokuba wa tyelwa unina ukwenza okubi.

₄Ngako wenza okubi emehlweni ka Jehova njengendhlu ka Ahabi; ngokuba ba be ngabayalezi bake emva kokufa kuka yise wa ze wa bujiswa yena.

₅Naye wa hamba ngokuyaleza kwabo, wa hamba noJehoramu indodana ka Ahabi inkosi yabaIsraeli ukulwa noHazaeli inkosi ya seSiria eRamote-giladi; naba seSiria ba m tyaya uJoramu.

₆Wa buyela eJezreli ukwelatywa izingozi a zi nikwa eRama, lapo wa e lwa noHazaeli inkosi ya seSiria. NoAzaria indodana ka Jehoramu inkosi yabaJuda wehlela uku m bona uJehoramu indodana ka Ahabi eJezreli, ngokuba e gula.

₇uTixo wa m bulala uAhazia ngenxa yokufika kwake kuJoramu; ngokuba ekufikeni kwake, wa pumela uJehu indodana ka Nimshi kanye noJehoramu, a e m gcobile uJehova uku nquma indhlu ka Ahabi.

₈Kwa ti lapo uJehu wa ahlulela pezu kwendhlu ka Ahabi, wa tola izikulu zakwa Juda, namadodana abafo baka Ahazia, a e m konza uAhazia, wa ba bulala.

₉Wa m funa uAhazia; ba m bamba, (ngokuba wa e zitukusile eSamaria,) ba m leta kuJehu; nalapo se be m bulele, ba m mbela; Ngokuba ba ti, u indodana ka Jehoshafati, o wa funa uJehova ngenhliziyo yonke yake. Ngako indhlu ka Ahazia ya i nge namandhla uku wu gcina umbuso.

₁₀Kodwa lapo uAtalia unina ka Ahazia wa bona ukuba i file indodana yake, wa vuka wa bulala yonke inzalo yobukosi yendhlu ka Juda.

₁₁Kodwa uJehoshabate, indodakazi yenkosi, ya m tata uJoashi, indodana ka Ahazia, ya meba kuwo amadodana enkosi a e bulawa, ya m beka kanye nomzanyana wake endhlini yokulala. Ngako uJehoshabate, indodakazi yenkosi uJehoramu, umka Jehoida, ngokuba wa e ngudade wabo ka Ahazia, wa m tukusela uAtalia, naye a ka m bulalanga.

₁₂Wa ba kanye nabo e tukusiwe endhlini ka Tixo iminyaka e isitupa; noAtalia wa li busa izwe.