ISAHLUKO 26

₁ABANTU bonke ba m tatake uUzia, o wa e neminyaka e ishumi nesitupa, ba menza inkosi endaweni ka Amazia uyise.

₂Wa laka iEloti, wa li buyisela kwaba seJuda, emva kwaloku inkosi ya lala nokoko bayo.

₃uUzia wa e neminyaka e ishumi nesitupa ekuqaleni kokubusa kwake, wa busa eJerusalema iminyaka e ngamashumi a isihlanu nambili. Igama lika nina la li nguJekolia wa seJerusalema.

₄Wenza okulungileyo emehlweni ka Jehova, njengako konke okwenziwa uAmazia uyise.

₅Wa m funa uTixo ezinsukwini zika Zekaria, o wa e nokwazi ezibonisweni zika Tixo; kwa ti lapo e m funayo uJehova, uTixo wa m busisa.

₆Wa puma wa lwa naba seFilisti, wa pula udonga lakwa Gati, no lakwa Jabne, no lakwa Ashdodi, waka imizi ngaseAshdodi, na kumaFilisti.

₇uTixo wa m siza kumaFilisti, na kwaba seArabia, a e hlezi eGurbali na kumaMehuni.

₈AbakwaAmoni ba m nika uUzia izipo; negama lake landa la ze la fika ekungeneni kwa sEgipite; ngokuba wa ziqinisa ngamandhla.

₉uUzia waka izinqaba eJerusalema nga semnyangweni wokugcina, na sesigodini, na sekubuyeni kodonga, wa zi vikela.

₁₀Wenza izinqaba nasehlane, wemba nemigodi eminingi yamanzi; ngokuba wa e nezinkomo eziningi, ezweni eli pansi na sematafeni; nabalimi futi, nabalungisi bezivini ezintabeni, naseKarmeli ngokuba wa ku tanda ukulima.

₁₁Futi uUzia wa e nesixuku sabalwayo, e sa puma ukulwa ngamabandhla, njengokubalwa kwabo ngesandhla sika Jehieli umlobi, noMaseia umbusi, ngapansi kwesandhla sika Hanania, enye induna yenkosi.

₁₂Ubuningi bezikulu za oyise amaqawe, ba bu izinkulungwane ezimbili namakulu a isitupa.

₁₃Ngapansi kwezandhla zabo kwa ku kona impi, izinkulungwane ezi ngamakulu amatatu, nezinkulungwane ezi isikombisa namakulu a isihlanu, a ba belwa ngamandhla, uku siza inkosi nga sesiteni.

₁₄uUzia wa si lungisela sonke isixuku izihlangu nemikonto, nezivikelo, nemicibityelo namalengiso okuponsa amatye.

₁₅Wenza nemishini eJerusalema, e ya qanjwa ngabahlakanipileyo, ukuba i be ngapezu kwezinqaba, ukuponsa imicibityelo, namatye amakulu, Negama lake landa kude; ngokuba wa sizwa ngokumangalisayo, wa ze wa ziqinisa.

₁₆Kodwa lapo e se namandhla, inhliziyo yake ya vukela ukubujiswa kwake; ngokuba wona ngoJehova uTixo wake, wa ngena etempelini lika Jehova, ukutyisa impepo pezu kwelati lempepo.

₁₇uAzaria umpristi wa ngena e m landela, ku kona kanye naye abapristi baka Jehova aba ngamashumi a isishiyagalombili, aba ngabantu aba lungileyo.

₁₈Ba m kuza uUzia umpristi, ba ti kuye, A ku fanele ukuba wena, Uzia, u tyisele uJehova impepo, kodwa abapristi amadodana ka Aroni aba miselwe ukutyisa impepo; puma wena endhlini e ingcwele; ngokuba wonile; ku nga bi ngodumo lwako na kuJehova uTixo.

₁₉uUzia wa tukutela e pete isitya esandhleni sake sokutyisa impepo; na lapo e sa ba tukutelela abapristi, kwa bonakala ubulepero ebunzini lake ngapambi kwabapristi endhlini ka Jehova, eduze kwelati lempepo.

₂₀uAzaria umpristi omkulu, nabo bonke abapristi, ba m bheka, ba bona ubulepero ebunzini lake, ba m kipa lapo; naye wa tyetya ukuzipumela, ngokuba uJehova e m tyayile.

₂₁uUzia inkosi wa ba nobulepero wa ze wa fa, wa hlala endhlini e yedwa, ngokuba e nobulepero; ngokuba wa hlukaniswa endhlini ka Jehova; uJotamu indodana yake wa ba pezu kwendhlu yenkosi, ahlelela abantu bezwe.

₂₂Manje ezinye izenzo zika Uzia, ezakuqala nezokugcina, zi lotyiwe ngu Isaya umprofeti, indodana ka Amozi.

₂₃uUzia wa lala nokoko bake ba m mbela kanye nokoko bake ensimini yamakosi yokumbela; ngokuba ba ti, u ilepero; noJotamu indodana yake wa busa endaweni yake.